¿BAJCHEʼ MIʼ MEJLEL A TECH TʼAN?
LECCIÓN 3
Pʌsʌ a wutslel
Texto baqui chucul: «Jiñi am bʌ i cʼuxbiya […] an i yutslel» (1 Cor. 13:4).
Tsaʼ bʌ i mele Jesús
1. Qʼuele jiñi VIDEO o pejcan Juan 9:1-7. Cheʼ jiñi ñaʼtan ili cʼajtiya tac:
-
¿Chuqui tsiʼ ñaxan mele Jesús: Tsaʼ ba i ñaxan tsʼʌca jiñi wiñic o tiʼ sube jiñi wen tʼan? (Qʼuele Juan 9:35-38).
¿Chuqui mi laj cʌn tiʼ tojlel Jesús?
2. Cheʼ mi lac pʌs chaʼan lac wentajʌch jiñi lac piʼʌl tajol mucʼʌch caj i mulan i ñumen ñʌchʼtañonla.
Lajin Jesús
3. Ñopo a chʼʌmben i sujm. Ñaʼtan bajcheʼ yubil woliʼ yubin i bʌ jiñi lac piʼʌl.
-
Cʼajtiben a bʌ: «¿Chuqui woliʼ pensarin? ¿Chuqui jiñi muʼ bʌ i mejlel i mulan o i coltan?». Ili cʼajtiya tac mi caj i coltañet chaʼan maʼ pʌs a wutslel.
-
Mi jiñi woli bʌ a pejcan miʼ tech i subeñet bajcheʼ yubil woliʼ yubin o miʼ subeñet jiñi i wocol, mach a waʼ qʼuextan a tʼan. Wen ñʌchʼtan chaʼan maʼ pʌsben chaʼan mucʼʌch a qʼuel ti ñuc jiñi woli bʌ i subeñet.
4. Chaʼlen tʼan yicʼot a wutslel i wen jach bajcheʼ yom maʼ mel. Cheʼ bʌ an majqui mi lac pʼuntan i tiʼ sujmʌch la com laj coltan miʼ tsictiyel ti lac tʼan. Jin chaʼan, cʌntan chuqui mi caj a wʌl yicʼot bajcheʼ mi caj a wʌl. Mach a wʌl muʼ bʌ i mejlel i yʌcʼ ti michʼan o cʼux bʌ miʼ yubin jiñi lac piʼʌl.
5. Coltan. Cheʼ bʌ mucʼʌch a mejlel, qʼuele bajcheʼ miʼ mejlel a coltan jiñi woli bʌ a pejcan. Cheʼ bʌ mi lac pʌs la cutslel miʼ mejlel i yʌcʼ chaʼan wen mi lac chaʼlen tan la quicʼot juntiquil lac piʼʌl.
