TEI MU BIGIN WAN TAKIMAKANDAA
TOLI 3
Soi switifasi
Beibel e taki: ‘Lobi abi bun manii.’—1 Kor. 13:4.
Fa Yesesi du a sani ya?
1. Luku a FELON, efuso leisi Yohanisi 9:1-7. Bakadati luku den akisi ya:
-
San na a fosi sani di Yesesi du, a deesi a beendiman efuso a leli en fosi?—Luku Yohanisi 9:35-38.
Saw sa leli fu Yesesi?
2. Efu a sama si taki we booko wi ede anga en, aw aliki u.
Du sani enke Yesesi
3. Puubei fu denki fa a sama e fii.
-
Akisi iseefi taki: ‘Anga san a sama sai booko en ede? Anga san mi sa yeepi en?’ Efii akisi iseefi den sani ya, a sani ya o yeepi i fu du sani fu soi a sama taki ye booko yu ede anga en.
-
Efu wan sama taigi i san neen booko-ede, ya mu taki fu wan taa sani. I mu aliki a sama, a so ye soi taki ye booko yu ede anga en.
4. Taki switi anga a sama. A fasi fa ye taki mu soi taki ye lesipeki en. Wan sama poi yee na a fasi fa ye taki anga en, taki i wani yeepi en tuutuu. Luku bun san ye taki, anga fa ye taki. Ya mu taki sani di o meke a sama fii wan fasi.
5. I mu lobi yeepi sama. Luku fai sa yeepi a sama. Efii yeepi a sama a wan sani, kande aw wani aliki i taa leisi.
LUKU DEN TEKISI YA TU
Rom. 12:15, 16; Gal. 6:10; Heb. 13:16
