ATÜJAINJACHI PIA YOOTIRAWAA
EKIRAJAAYA 3
Kamaneeinjachi pia
Pütchi shiyuʼluushika anainjee: «Chi eekai alin apüla wayuu [...] kamaneeshi» (1 Cor. 13:4).
Tü sukuwaʼipakat nutuma Jesús
1. Pünaja tü VIDEOKOT jee shiale paashajeʼerüin Juan 9:1-7. Süchikijee tia püsakira sünain pütchikat tüü:
-
1. ¿Koʼushiche chi wayuukai palajana nutuma Jesús shiataapa nüküjain nümüin palajana tü pütchi anakat maʼin? (Paashajeʼera Juan 9:35-38).
-
2. ¿Jamüsü kamalainkaʼa nümüin chi wayuukai naapajüin nünüiki Jesús?
Tü watüjakat nünainjee Jesús.
2. Saapajeerü wayuu wanüiki shiyaawatüle saaʼu kachipünaain waaʼin sukuwaʼipa.
Waaʼinra tü naaʼinrakat Jesús
3. Amülialaainjatü paaʼin saalin wayuu. Jülüjataa paaʼin jamüin saaʼin wanee wayuu.
-
1. Püsakira paaʼin sünain tüü: «¿Kasakajasaʼa shapaain atuma naaʼin chi wayuukai? ¿kaseetkajasaʼa anain atuma nukuwaʼipa jee kamalainjeetka nümüin?». Püsakireʼerüle paaʼin sünain tia, kamaneejeechi pia nümüin chi wayuukai jee jaʼyeerü paaʼu shiimain tia.
-
2. Jaʼyainjatü paaʼu kachipünaain paaʼin tü alatakat nümüin sükajee paapajüin nünüiki. Nüküjale pümüin wanee wayuu jamüin naaʼin jee shiale nüküjain pümüin süchiki wanee kasa alataka nümüin, nnojo paashajaain neʼe süchiki wanee kasa naata.
4. Kamaneeinjachi pia nümüin wanee wayuu jee kamaneeinjachi pia nümüin paashajaapa nümaa. Sümülialaale paaʼin naalin wanee wayuu jee shiimainrejeʼeya pükaalinjeein nia, jaʼyeerü tia saaʼu pukuwaʼipa jee ayaawatüneerü shia sükajee tü pütchi pujuʼitirakat. Jülüja maʼin paaʼin tü pütchi pujuʼitirakat jee jamüin süküjia putuma, nnojo püküjain wanee kasa eekai airuʼuluin sümüin wayuu.
5. Akaalinjainjachi pia wayuu. Püchajaa sukuwaʼipa süpüla pükaalinjain maʼin wayuu. Yoteerü wayuu pümaa püchajaale sukuwaʼipa süpüla kamaneein pia.
