ÑAÑEPYRŨ HAG̃UA ÑAÑEMONGETA
LEKSIÓN 3
Nembaʼeporã vaʼerã
Téxto bíblico: ‘Pe oporohayhúva imbaʼeporã’ (1 Cor. 13:4).
¿Mbaʼépa ojapo vaʼekue Jesús?
1. Ehecha pe VIDÉO, térã elee Juan 9:1-7. Upe rire erresponde koʼã porandu:
-
¿Mbaʼépa ojapo vaʼekue Jesús pe kuimbaʼe isiégovare omombeʼu mboyve chupe umi notísia porã? (Ehecha Juan 9:35-38).
-
¿Mbaʼérepa upéi pe kuimbaʼe ohenduseve raʼe umi notísia porã?
¿Mbaʼépa ñaaprende Jesúsgui?
2. Umi hénte ohendusevéta umi notísia porã ohechakuaáramo ñañeinteresaha hesekuéra.
Jasegíkena Jesús ehémplo
3. Eñemoĩ pe persóna lugárpe. Ñañehaʼã vaʼerã ñañeimahina mbaʼéichapa umi hénte oñeñandu.
-
Ñañeporandu vaʼerã: “¿Mbaʼépa oiméne oipyʼapy pe persónape? ¿Mbaʼépa oipytyvõta ha ointeresáta chupe?”. Koʼã porandu ñanepytyvõta ñanembaʼerechakuaa ha ñanembaʼeporã hag̃ua umi héntendi.
-
Pe persóna omombeʼúramo ñandéve algún provléma térã mbaʼéichapa oñeñandu, aníkena ñañeʼẽnte chupe ótra kósare. Jajapysaka porã vaʼerã la heʼívare, upéicha jahechaukáta iñimportanteha ñandéve g̃uarã pe persóna.
4. Eñeʼẽ mborayhúpe ha ehechauka errespetaha umi ótrope. Ñañeʼẽ lájare ojekuaáta ñambyasýpa pe persónape ha añetehápepa ñaipytyvõse hína chupe. Ñañatende vaʼerã la jaʼévare ha mbaʼéichapa jaʼe ani hag̃ua ñamoñeñandu vai chupe.
5. Nembaʼerechakuaa vaʼerã. Jahechakuaáramo pe persóna oikotevẽha algúna ajúda, ikatu ñaipytyvõ chupe opyta porãramo. Upéva ikatu voi omeʼẽ hína ñandéve peteĩ oportunida japredika hag̃ua chupe upe rire.
