ˈDHE ƝƲN BHO -GHWLUAˈ -DEEƐ-
ˈCƖAANDHƐ- 3
-Nmɔn ˈdhi ŋwɔn ˈdhe -manˈ -ghwlu sʋn -e nʋʋndhɩ ˈdhi
Biiblʋ aˈ ˈsrɩn: “Ɲʋndɩkman- [. . .] -nmɔn ˈdhi ŋwɔn.”—1 Cor. 13:4.
-Ka Zezi nʋan
1. -ˈJhe VIDEO i -aeˈˈ zro Jean 9:1-7. -ˈMɛn -za ˈe ideedɩ- nɩn:
-
1. Dhɛwɛ- Zezi nʋn ke -tɛnˈˈ -ɛn: Ɔ ˈpʋʋɛ- ˈˈjhu -ɔɔˈ ˈjhea i -aeˈ ɔ bhla -bɔyaˈˈ -bo ˈdhe ɔ bho?—-Ŋmʋn ˈdhe Jean 9:35-38 ˈdhi.
-
2. Dhɛɛdɩ- -a ˈbhɛɛ -a ˈye ka nʋn -ka Zezi nʋan ˈˈjhu -ˈnɔn ɔnˈ ˈbhle sʋn ɛn, ɛ nʋɛnˈ ɔ ye Zezi ɔˈ -dheinˈˈ bho -poaˈ i ˈbɔn -ɔn?
Dhɛ Zezi nʋan, dhɛwɛ- ɛɛ tɔɔn -abʋ -ɛ?
2. -Bho ɲɔn ɔn sɛ ˈjhe -ka -aa ˈˈduaˈˈ ɔɔˈ dɩ ɛˈ, ɛɛ muɛn -nʋn ɔ ˈye -aaˈ -dheinˈˈ bho -poɛ i ˈbɔn.
-Sraan Zezi
3. Po -manˈ ˈˈjɛ ˈbho ɔɔˈ gɔˈˈ. Dɩ nɩan ˈbho ɔ -gwlɩˈˈ ɛ, ˈbɔn ɩanˈ i ˈŋwɔɛn in.
-
1. Dee- -manˈ ˈˈjɛ i: ‘Dhɛwɛ- ˈbhɛɛ -ɛ ˈye ɔɔˈ zɔndɩ -nɩn -ɛn? Dhɛwɛ- ˈbhɛɛ -ɛ ˈyeɔ sʋn bho po ˈˈdhe -ɛ ˈye ɔɔˈ -pɛɛ i ˈtʋn -ɛn?’ -Bho -man sa -kaˈ nʋn ɛnˈ, ˈdhiŋwɔnmɔɛn- -man muan -to ˈdhe ɔ bho ɛ, ɛɛ muɛn ˈdhe -manˈ -pɛɛ bho ˈghwlʋ-.
-
2. Toɛ -ka dhɩ -ɩanˈ dɩ kmɔn ˈˈbhli ˈdha dhɛ ˈdhe- ˈˈjhriɛ ˈdhe ˈbho ɔɔˈ -dheinˈˈ bho -poaˈ. -Bho ɲɔn ɔn sa ʋn dhɛ nɩan ˈbho ɔ -gwlɩˈˈ -aeˈˈ ˈkledɩ- ɔ nɩan ˈe ˈdhi aˈ dɩ ˈtmʋʋn ɛnˈ, -manˈ ˈtmʋn -e dhɛ -dhee -ˈnɛɛn ɛnˈ dɩ -dhe ˈbho ɛɛˈ gɔˈˈ.
4. -Ghwlu ˈdhe ŋwɔnpeɛ -e dhɛŋwɔnjheɛ ˈmʋn. -Bho -aa sa -aaˈ ˈˈjɛ ˈbho ɲʋn anˈ gɔˈˈ po ˈˈdhe -aa sa ˈbɔn -a ˈye ʋbʋ sʋn bho po ˈjɛɛn- ɛnˈ, ɲʋn an muɛn ˈˈkpei ˈjhe- ˈdhe -aaˈ -ghwlu sʋn ˈdhi. Dhɛ -man ˈtmʋan -e -ka -man nʋan ɛɛˈ ˈtmʋn sʋn ɛn, ˈsroo ɩ -ˈgwlɩi ˈˈdhe -manˈ ˈtmʋn -e dhɛ ˈbhɛɛa -ɛ ˈyea ɲʋn ˈcɛn po ɛˈ dɩ -dhe.
5. Po ɲʋn sʋn bho. Dhɛ ˈbhɛɛa -ˈyea nʋn -wɛeˈ -ˈyea ɲʋn sʋn bho po ɛ, -ˈbɔɛn in. -Bho -a -nmɔn -glʋˈ ˈdhe ɲɔn bho ɛˈ, ɛɛ muɛn -nʋn ɔ ˈye -aaˈ -dheinˈˈ bho -poɛ i ˈbɔn.
