XAATSIKA NEUKATSUTSUTƗWANI
ʼƗKITƗARIKA 3
ʼAixɨ ketineukaʼiyaarini
ʼƗkitɨarika Yuútsi Niukieyatsíe mieme: «Nakeʼeriya […] pɨtiuyukanenimayá» (1 Cor. 13:4).
Kemɨtiuyuri Ketsuútsi
1. Xeneuxeiya VIDEO nutsɨ nakaterɨwa Juan 9:1-7. ʼAriketá ʼikɨ ʼiwaurikate neutiʼeiya:
-
¿Ketiuyuri meri Ketsuútsi: ʼukí ranayehɨa nutsɨ niuki ʼaixɨ ʼaneme pitaxaatɨa? (Neuxeiya Juan 9:35-38).
¿Tita tetehetimamateke Ketsuútsi kemɨtiuyuritsíe?
2. Xɨka teuteri tetewarutaxaatɨani tewanenimayatɨ metá waheetsíe mieme teheuyuʼiyaaritɨaka pɨtiuyuriwe ʼaixɨ temɨtewaxaatɨani.
Ketsuútsi keneutaʼɨki
3. Kenetiʼenietɨya. Neutiʼeri kemɨreuʼerie keane pemɨtikuxaxaatɨwa.
-
Tineuyuʼiwawiya: «¿Tita heetsíe reuyuʼiyaaritɨa? ¿Tita tinakiwe nutsɨ tipareewiwe?». ʼIkɨ ʼiwaurikate metsipareewiwe pemihekɨatsitɨanikɨ ʼaixɨ yari pepɨtikuxaxaatɨwa haxa pekatiʼeritɨatɨ.
-
Xɨka tiukatsutɨani ʼatikuxaxaatɨwatɨ kemɨreuʼerie metá ketiʼanemetsíe mɨtiuyemié, yɨɨkɨ tiʼanemetsíe pepɨkatitaxaxaatɨwani. Keane tewi pemɨtikuxaxaatɨwa kenekuʼeniwani pemɨtihekɨatsitɨanikɨ heetsiena mieme ʼekɨ pepeuyuʼiyaaritɨa.
4. Tineutaxaatɨa nakeʼerima haxa pekatiʼeritɨatɨ. Kepauka xeime temetiʼenietɨkɨka metá yeme temeipareewiku pɨyukuhekɨkɨare ketemɨteʼuxaxaatatsíe. ʼAyumieme ʼamaitɨ́ kenanuyewawá kepemɨtayɨní metá kehepaɨ pemɨtixaatɨani. Hauʼerietɨ peukaranuyexaxaatani kataku haxa petikaʼeritɨani.
5. Keneyuyexaata pemipareewienikɨ. Xɨka peyɨweni keane pemɨtikuxaxaatɨwa pemɨpareewieni, keneupareewi. Xɨka taame tetehekɨatani hiipame tewanenimayá pɨtareuyepiriewe niuki ʼaixɨ ʼanene temɨwataxaatɨanikɨ.
