OKUUTA EHUNGI
EHONGWA 3
Okuraisa ouwa ku varwe
Omurari: “Orusuvero ru . . nouwa.”—1 Kor. 13:4, ONT.
Oviṋa Jesus mbya tjita
1. Tarera OKAVIDIO, poo lesa Johanes 9:1-7. Okuzambo tara komapuriro ngu maye kongorere mba:
-
Hapo Jesus rutenga wa verukisa omundu ngwa ri omupoṱu poo wa hungira ku na ye ohunga nombuze ombwa?—Tara ku Johanes 9:35-38.
-
Ongwaye tji mo munu kutja omurumendu ngo wa ri nonḓero okupuratena ku Jesus?
Matu rihongere ko ye okuza ku Jesus?
2. Omundu mape ya a kara nonḓero yokupuratena kombuze yetu indu tji ma munu kutja matu rikendere ku ye.
Horera ku Jesus
3. Raisa ouwa komundu. Kondja okuripura kutja eye ma fula vi.
-
Ripura omuini kutja: ‘Ovikwaye mbi mape ya e rikendere ko? Ovikwaye mbi ma munu kutja mavi mu vatere?’ Okutjita nao maku ku vatere okuraisa ouwa momuano omusemba.
-
Raisa kutja u rikendera koviṋa mbi ri ovinanḓengu komundu mokupuratena ku ye. O rundurura epu, indu omundu tje ku raere omuano me fula ohunga notjiṋa poo tja tamuna ouzeu mbwe muna.
4. Hungira momuano omuwa nu wondengero. Indu tji mo raisa ouwa komundu nu tjiri tji mo vanga okumuvatera, matji zu komuano mu mo hungire. Toorora omambo woye nomuano mbu mo hungire nawa, nokuhinokuhungira oviṋa mbi mape ya avi hihamisa omundu.
5. Vatera. Paha okuvatera omundu momiano pekepeke. Indu tji matu raisa ouwa, i rira oupupu komundu okuhungira ku na eṱe.
