NGEPUNKA RANDAU
PELAJAR 3
Manah Ati
Prinsip: “Pengerindu nya . . . manah ati.”—1 Kor. 13:4.
Nama Utai Ti Digaga Jesus?
1. Peda VIDEO, tauka bacha John 9:1-7. Udah nya perundingka sekeda tanya tu:
-
Keterubah, nama digaga Jesus? Ngeraika lelaki ke buta nya tauka bekunsika Berita Manah enggau iya?—Peda John 9:35-38.
-
Nama kebuah utai ke digaga Jesus ngagai lelaki nya ngasuh iya deka ninga Berita Manah?
Nama Ulih Dipelajarka Kitai Ari Jesus?
2. Orang deka agi ningaka pesan ke ditusui kitai enti iya ngasaika kitai ibuhka iya.
Neladan Jesus
3. Meretika asai ati orang. Uji gambarka baka ni asai ati iya.
-
Tanya diri empu: ‘Nama utai ti ngasuh iya irau? Nama utai ke ulih nulung iya sereta narit minat iya?’ Enggau ngereja nya, nuan senang agi deka nunjukka pemanah ati enggau ikhlas.
-
Ayanka diri ibuhka utai ti dipadah orang nya enggau chara mendingka iya. Enti iya madahka asai ati tauka penanggul ke ditapi iya, anang meh nukar topik.
4. Bejaku enggau manah sereta bebasa. Enti nuan siru enggau orang nya sereta bebendar deka nulung iya, tu ulih dipeda ari chara nuan bejaku. Pilih meh jaku enggau manah sereta bejimat enggau tiun nyawa nuan. Lalu, anang nyebut utai ti ulih ngemediska ati iya.
5. Tulung meh iya. Giga meh peluang bukai kena nulung iya. Enti nuan manah enggau iya, tu ulih muka jalai kena berandau enggau iya.
