KỊMỊ MỌ KORO ẸRẸTEIMỤ BARA MỊ
TOLUMỌYỌ 3
Ebimịẹdịa
Bible tolumọye: “Tarị . . . Ebimịẹdịamịnị.”—1 Cor. 13:4.
Jesus Mịẹye Bị
1. VIDIO dii, anịghakpọ John 9:1-7 goo dá, bei biibịbịbo kẹrị iroro:
-
Jesus bọlọụ tọrụbaan-owei kị zụọ ma—anịghakpọ bọlọụ ebiegberi kị gbaa ụ pịrị ma o?—John 9:35-38 dii.
-
Tetuu kị duonị, tọrụbaan-owei bị Jesus gbaa egberi kẹrịakị ma o?
Jesus Mịẹye Bị Te Ka Kị Wó Tolumọ Ma O?
2. Ụbọ bị, omịnị wo a dịsẹnana wẹrịemi bara nimi daba wó egberi pei a paaemi.
Jesus Dimịẹ
3. Ụbọ gbelei-emi yebị, ị́ kpọ gbelei-emi bara mịẹdịa. Angọtụa dá yebị ụbọ gbelei-emi bara bị kẹrị iroro.
-
Iné angọ bii: ‘Teeki ụbọ bọọ bụụdọọnmịnị a o? Teeki baratụa ụ pịrị bá ụ dịsẹ a paaemi a o?’ Bịsẹ bara mịẹmịnị yọmị baratụa ị́ pịrịwẹrị ebibara ebimịẹdịa mịnị.
-
Ụbọ bị woghọ bụụdọọnmịnịye gbaa ị́ pịrịdaba ebibara ụ pei. Bá egberi kpọ dei kụmọ. Ị́mịnị bịsẹ bara mịẹ daba ụbọ gbelei-emi ye bị ị́ kpọ gbelei-emi bara kị mịẹdịa mịnị.
4. Bọụbọụ bá didụbamọ bara ka kị ẹrẹ. Ị́mịnị ụbọ dieneni, bá baratụa ụ pịrị dọụmịnị-aba, ụbọ bị iné ẹrẹmịnị bara duo nimi mịnị. Anịduonị iné ẹrẹmụ egberi ụngbọụbo mọ ẹrẹmụ bara mọ iroropẹlẹdẹ kị ẹrẹ. Ụbọ mịẹ boloukọọn a paaemi yeama ẹrẹkụmọ.
5. Baratụa ụbọ pịrị. Akị baratụa ụbọ pịrịmụ fomuun-ama lelei nimi. Omịnị ebimịẹdịa daba kịmịotu wó egberi pei kpọ paaemi.
