TIMLILIT TAMEZWARUT
TIMEƔRI 3
Xdem lxiṛ s lehduṛ-ik d lefɛayel-ik
Amenzay: “Leḥmala tesɛa lxiṛ” (1 Ikur. 13:4).
Lemtel i ɣ-d-yeǧǧa Ɛisa
1. Wali BIDYU-YAGI neɣ ɣer-ed Yuḥenna 9:1-7. Mbeɛd, xemmem ɣef yesteqsiyen i d-iţeddun.
-
Deg wacu i gezwar Ɛisa: ihdeṛ-as qbel i wergaz-nni ɣef lexbaṛ n lxiṛ mbeɛd yesseḥla-t, neɣ yesseḥla-t qbel mbeɛd ihdeṛ-as ɣef lexbaṛ n lxiṛ? (wali Yuḥenna 9:35-38).
-
Ayɣer i nezmer a d-nini belli ayen akka i gexdem Ɛisa iɛawen argaz-nni iwakken ad yeqbel lexbaṛ n lxiṛ?
Ayen i d-nelmed sɣur Ɛisa
2. Ma iḥuss walbeɛḍ belli tefkiḍ-as lqima, ad yebɣu ahat a k-d-yessemḥess.
Ɛaned Ɛisa
3. Err iman-ik deg wemkan n win umi i theddṛeḍ.
-
Nadi aţ-ţfehmeḍ d acu i gceɣben win ukud i theddṛeḍ, d acu i gesɛan azal ɣur-es akk-d wayen i geḥwaǧ. Swakka, a s-d-tesbeggneḍ seg wul belli tefkiḍ-as lqima.
-
Ma tḥesseḍ-as akken ilaq i win ukud i theddṛeḍ, a s-d-tessekneḍ belli teţḥebbiṛeḍ fell-as. Ma yefka-d ṛṛay-is ɣef kra n temsalt neɣ ihdeṛ-ak-d ɣef kra n weɣbel i gesɛa, ur ţbeddil ara awal.
4. Heddeṛ s leḥnana d leqder. M’ara theddṛeḍ i walbeɛḍ s leḥnana, a s-iḥuss i wayagi, ad iḥuss daɣen belli tebɣiḍ a t-tɛiwneḍ. Ţḥadar ɣef wayen ara d-tiniḍ d wamek ara t-id-tiniḍ. Swakka, ur t-tjerrḥeḍ ara s lehduṛ-ik.
5. Nadi a s-txedmeḍ lxiṛ. Nadi aţ-ţeẓreḍ ma yeḥwaǧ lemɛawna. Ma txedmeḍ-as lxiṛ, ahat a k-teţţunefk tegniţ aţ-ţhedṛeḍ yid-es.
