KWAMBĨĨSYA ŨNEENANYʼA
ĨSOMO YA 3
Ĩka Andũ Ala Angĩ Nesa
Mwolooto: “Wendo . . . nĩwĩkaa ũseo.” —1 Ako. 13:4.
Kĩla Yesũ Weekie
1. Ĩloele VITIO, kana ũsome Yoana 9:1-7. Ĩtina wa ũu, sũanĩa makũlyo aa maatĩĩe:
-
Yesũ ambie kwĩka ata? Ambie kũvosya mũndũ ũsu waĩ kĩlalinda kana ambie kũmũtavya ũvoo mũseo? —Sisya Yoana 9:35-38.
Ngelekanyʼo ya Yesũ Yĩtũmanyĩsya Kyaũ?
2. Mũndũ amanya kana nĩtũũmũthĩnĩkĩa no atwĩthukĩĩsye nesanga.
Atĩĩa Ngelekanyʼo ya Yesũ
3. Mwĩwʼĩe tei. Tata ũsũanĩe ũndũ ũkwĩwʼa.
-
Ĩkũlye-ĩ: ‘Nĩ maũndũ ta meva matonya kwĩthĩwa maimũthĩnyʼa? Nĩ kyaũ kĩtonya kũmũtethya kana kũmwendeesya?’ Kũsũanĩa makũlyo ta asu no kũũtetheesye ũmwĩke nesa kuma ngoonĩ.
-
Onanyʼa kana ndũũvũthĩĩsya maũndũ ala mũndũ ũsu ũkwona me ma vata kwa kũmwĩthukĩĩsya nesa. Aũtavya ũndũ ũkwĩwʼa ĩũlũ wa ũndũ mũna kana aũtavya thĩna wĩ nawʼo, ndũkaneenee ũndũ ũngĩ.
4. Mũneenyʼe nesa na wĩ na ndaĩa. Mũneenele waku no wonanyʼe kana nũũmwĩwʼĩa ĩnee na nũkwenda kũmũtetheesya. Kwoou nyuva ndeto nesa, mũneenyʼe nesa, na ũyĩsũvĩa ndũkawete kĩndũ kĩtonya kũmwĩwʼĩthya woo.
5. Mũtetheesye. Woona vaĩlĩte, mantha myanya mĩseo ya kũmũtetheesya. Kwĩka mũndũ nesa no kũtume enda kũea ngewa naku.
