ХӘБӘРДАНЕ ДӘСТПЕКЬН
ДӘРСА 3
Дьлован бьн
Принсип: «Һʹәзкьрьн дьлованийе дькә» (1 Корн. 13:4, ИМ).
Мәсәла Иса
1. Бьньһерʹьн ВИДЕО, йан жи бьхуньн Йуһʹәнна 9:1-7. Паше ван пьрса шеԝьр кьн:
-
а. Пешийе Иса чь кьр, мәрьве кор ԛәнщ кьр йан жерʹа дәрһәԛа мьзгинийа хере гот? (Бьньһерʹьн Йуһʹәнна 9:35-38)
Әм жь Иса Чь Һин Дьбьн?
2. Мәрьв ԝе һе зедә бьхԝазә гӧһ бьдә мә, һәрге әԝ тедәрхә, ԝәки әм бона ԝи хәм дькьн у һьндава ԝида дьлован ьн.
Чʹәʹв Бьдьнә Иса
3. Һәстед мәрьв һьлдьн һʹәсаб. Бьфькьрьн кӧ әԝ мәрьв ча хԝә тʹәхмин дькә.
-
а. Пьрсе бьдьнә хԝә: «Гәло дәрде ԝи чь йә? Гәло чь дькарә али ԝи бькә?» Һәрге һун ӧса бькьн, әв йәк ԝе али ԝә бькә дьлованийе бьдьнә кʹьфше.
-
б. Гӧһ бьдьнә мәрьв у бьдьнә кʹьфше кӧ һун дькʹәвьнә һʹәйра ԝи. Хәбәрдане нәгӧһезьн гава әԝ бона тьштәки бәр хԝә дькʹәвә, йан жи бәʹса проблемәкә хԝә дькә.
4. Бь ԛәдьр у дьловани хәбәр дьн. Дьлованийа ԝә һьндава мәрьв ԝе бьдә кʹьфше, ԝәки һун бь рʹасти дьхԝазьн али ԝи бькьн, у әв йәк ԝе бь щурʹе хәбәрдана ԝә әʹйан бә. Мьԛати гьлийед хԝә бьн кӧ һун чь дьбежьн у чаԝа дьбежьн у тьштед ӧса нәбежьн, чь кӧ дькарә ԝи бьдә хәйдандьне.
5. Аликʹарийе бьдьн. Мәщала бьгәрʹьн, ԝәки али мәрьв бькьн. Һәрге һун һʹәйф у дьлован бьн, мәрьв ԝе бьхԝазә тʹәви ԝә бькʹәвә хәбәрдане.
ӦСА ЖИ БЬНЬҺЕРʹЬН
Рʹом. 12:15, 16; Галт. 6:10; Ибрн. 13:16