MWA KUTANG KWIISAMB NI BAAT
DIILONGWEESH 3
Bulengel
Diiy ditam: “Lukat lumweemweekel . . . mu kulong kwa myand yilengel.”—1 Kor. 13:4.
Cilongel Yeez
1. Tal FILM, eecy bal Jah 9:1-7. Kuunyim kontonon majooj maloolond aam:
-
I biny bilongel Yeez kuuhal kwa—kondahey muut eecy kumudiil musah mulengel habitaatal bwaal bwindiy?—Tal Jah 9:35-38.
-
Bwabiny mushind waakady Yeez mwiisamb ni muut oow ulongel bwa umvw musah mulengel?
I biny bituloolongel ku cileejel cya Yeez?
2. Muut udy mwa kwiitab musah mulengel yiy mutal neey twiitaatacish bwindiy.
Iidikij Yeez
3. Iiteek ha cyaab cya muut. Teet kwiifwaanyikijil mudyey wiiyumvw.
-
Iijooj neey: ‘Cidy cimutond i cingany? I biny bidyey mwa kwangat ni buseeb ni kukun mat?’ Kulong nook kwiiyiiy kukwambulwiish bwiibuh kuleej bulengel mu mushind muwaakan.
-
Muut yiiy mukwambil mudyey wiiyumvw bwa bwaal kaahand eeny mukukwaacil cilumbw kaahand, kushintululoh bend ciin bwaal. Leej neey wangangat bwaal bwindiy aabw ni buseeb hakushaal mumukun mat.
4. Iisamb mu mushind mulengel ni kaneemw. Uw wiiteek ha cyaab cya muut ni ukaam kumukwanjok byumvumvwiikil teng ku mushind uwiisaasamb. Iikal mudimuk bwa myand yiwuleeleeb ni mushind uwiiyileeleeb bwa kulong waatah muut ku micim.
5. Iikal wambulwiishangan. Kaam mishind yidy yikumban bwiibuh kwambulwiish muut mu bilong. Tut tulongel baat myand mu mushind mulengel biiyiiy kukat bwa kwiisamb neet.
