MUHTWACWACACK SIE MWE SRAMSRAM
MWE LUTLUT 3
Kuhlwacng
Oakwuck Wowo: “Luhngse el . . . kuhlwacng.”—1 Cor. 13:4.
Meac Jesus El Oruh
1. Liye VIDEO se, kuh riti John 9:1-7. Tohkohyang nuhnkuh ke kihsen siyuck inge:
-
Meac Jesus el oruh meet—ahkkweyelah mukul kun se kuh sramsramkihn pweng wo nuh sel?—Liye John 9:35-38.
-
Efuh kuh ma Jesus el oruh kahsruh mukul se inge in lohng ke pweng wo?
Meac Kuht Kuh In Lotwelah Kacl Jesus?
2. Sie mwet el ac fah luhngse in lohng pweng lasr uh el fin puhla muh kuht nuhnkuh kacl.
Etahel Jesus
3. Ahkkahlwemye pahkotwen. Srihke in nuhnkuh ke puhlakihn luhn mwet se.
-
Siyuck sum sifacna: ‘Meac el elyah kac uh? Mwe sramsram fuhkah kuh in kahsrel ac oruh elan luhngse lohng?’ Kom fin oruh ohinge, ac kuh in kahsre kom in ahkkahlwemye kuhlwacng ke inse pwacye.
-
Lohng ma el fahk an. Kom fin oruh ma inge kom ahkkahlwemye lah kom nuhnkuh pac ke ma yohk srihpac nuh sel. El fin fahk nuh sum lah meac puhlakihn lal ke ma se kuh sruhmuhn nuh sum ke ma upac ma el sun, nikmet ekuhllah ma sramsramkihnyuck an.
4. Kuhlwacng in sramsram ac ahkkahlwemye suhnak. Kom fin pahkomuhtahl ac luhngse na pwacye in kahsrel, el ac akihlen ma inge ke puhsrem. Nuhnkuh ke ma kom ac fah fahk an ac ke inkacnek in fahk an, ac tiac fahk kahs ma ac ahktoasrye mwet uh.
5. Ahkolah in kahsruh. Liye pacl wowo in kahsruh mwet sacn ke inkacnek fal ac wo. Kuht fin kuhlwacng nuh sin sie mwet, ma inge ac kuh in oruh elan pwacr in sramsram nuh sesr.
