WE YU DE STAT FƆ TƆK
LƐSIN 3
Du Gud
Prinsipul: “Lɔv de mek pɔsin . . . du gud.”—1 Kɔr. 13:4.
Wetin Jizɔs Bin Du?
1. Wach di VIDIO, ɔ rid Jɔn 9:1-7. Dɔn tink bɔt dɛn kwɛstyɔn dɛn ya:
-
Wetin Jizɔs du fɔs? I mɛn di blayn man ɔ i prich to am?—Luk Jɔn 9:35-38.
-
Wetin go dɔn bi di rizin we mek di man lisin to di gud nyuz?
Wetin Wi Lan Frɔm Jizɔs?
2. Pɔsin go lisin to wi mɔ if i si aw wi bisin bɔt am.
Falamakata Jizɔs
3. Tray fɔ imajin aw di pɔsin de fil.
-
Aks yusɛf: ‘Wetin i go de wɔri bɔt? Wetin a go tɔk we go ɛp am ɛn we i go lɛk?’ Dat go ɛp yu fɔ du gud tin to di pɔsin frɔm yu at.
-
Sho se yu bisin bɔt wetin impɔtant to di pɔsin bay we yu de lisin to am. If i tɛl yu bɔt aw i de fil bɔt sɔntin ɔ prɔblɛm we de mit am, nɔ chenj di tɔpik.
4. Tɔk fayn ɛn wit rɛspɛkt. We yu fil sɔri fɔ di pɔsin ɛn rili want fɔ ɛp am, yu go sho dat bay di we aw yu de tɔk. Tek tɛm pik di tin dɛn we yu de tɔk ɛn di we aw yu de tɔk am, ɛn nɔ tɔk tin dɛn we go ɔfɛn di pɔsin.
5. Rɛdi fɔ ɛp. Luk fɔ di rayt tɛm we yu go ɛp di pɔsin bay di tin dɛn we yu de du. We yu du gud to pɔsin, sɔntɛm dat go mek di pɔsin lisin to yu.
