UKWANDA PAKUNENEZANNYA
UMUTU 3
Ichisa
Ifundo: “Ulughano . . . lwachisa.”—1 Koli. 13.4
Vyo u Yesu Akabomba
1. Enelezya IVIDIYO, pamo belenga Yohani 9.1-7. Pabumalilo mwamule amalalusyo agha:
-
Nkimba u Yesu akandila pakubomba ichoni, ukumupozya umuntu umufwa maso pamo ukumulumbilila?—Ennya Yohani 9.35-38
-
Choni cho mukwinong’ona ukuti umuntu uyu akaba ni chinyonywa ichakwivwisya kwa Yesu?
Nkimba Tukumanyilako Ichoni kwa Yesu?
2. Chingaba chipepe kwa muntu ukuti ivwisye ubutenga bwitu pala azimanya ukuti tukumwinong’onela.
Mumweghelele u Yesu
3. Mwinong’onelaghe mo umuntu akuyivwila ichifukwa cha ntamyo zyo akukomana nazyo.
-
Mwilalusye ukuti: ‘Nkimba akutamiwa ni choni? Nkimba fundo buli izya mu Bayibolo zyo zingamwavwa sona angahoboka nazyo?’ Ukubomba bunubu kukwiza pakubavwa ukuti mumulangizye ichisa muzila inyiza sona ukufuma pasi pa moyo.
-
Mungalangizya ukuti mukumwinong’onela umuntu pala mukwivwisya vyo akunena. Nanti umuntu anena mo akuyivwila pamo anena intamyo yo akukomana nayo, mutakasintaghe inkani yo akunena.
4. Munenaghe umwachisa sona umwa muchizi. Pala mukumupelela ichisa umuntu sona mukulonda ukumwavwa, vikwiza pakumanyikwa ichifukwa cha vyo mukunena. Musalaghe akiza amazyu gho mukulonda ukunena sona mo munganenela. Mutakanenaghe ivintu vyo vingamukalalizya.
5. Mubatulaghe. Mungamupa ivintu vyo akulondiwa pa bumi bwache ukuti mumwavwe. Pala tukubapelela ichisa abantu, bakwiza pakwitika ukuti tubalumbilile.
