Tawˇ tanˬ yaw daꞈ ve
Awˬ lawn 3
Ha kʼaˉ piˇ ve
Awˬ liˇ awˬ hkʼaˇ: ‘Haꞈ pehnˇ ve lehˬ, ha kʼaˉ puiˉ ve yoˬ.’—1 Kawˇrenˍhtuˆ 13:4.
Yeˍsuˆ hkʼaˬ hkʼe te ve le?
1. VDO nyi ve maˇ heˆ leh Yoˇhanˬ liꞈ 9:1-7 gʼaw sheˍ. Peuˬ leh na hkawˇ chi teˇ hpaˍ htaꞈ dawˇ nyi sheˍ:
-
Yeˍsuˆ aˬ htoꞈ ma awˉ lawˉ te ve le? Hawˉ hkʼaˆ oˇ ve teˇ gʼaˇ htaꞈ gu na˗e piˇ ve laˇ? Maˇ heˆ leh yawˇ htaꞈ bon maˍ piˇ ve laˇ?—Yoˇhanˬ 9:35-38 hkʼaw nyi sheˍ.
-
Aˬ htoꞈ ma te oˇ hkʼe te ve lehˬ, hawˉ hkʼaˆ oˇ ve teˇ gʼaˇ daꞈ ve awˬ lawn sha tanˇ htaꞈ na gaˇ tuˬ te piˇ ve le?
Yeˍsuˆ ve awˬ lawn aˬ htoꞈ ma maˍ laˇ ve le?
2. Chaw yaˇ ngaˬ hui yawˇ htaꞈ dawˇ haˍ ve tehꞈ gʼa mawˬ ve kʼo, ngaˬ hui hto toˇ ve awˬ lawn htaꞈ na gaˇ tuˬ yoˬ.
Yeˍsuˆ htaꞈ henˇ yuˬ ve
3. Shu htaꞈ ha kʼaˉ ve. Yawˇ hkʼaˬ hkʼe dawˇ ve htaꞈ dawˇ nyi sheˍ.
-
A shu yawˇ awˬ to htaꞈ na nyi cawˇ ve, ‘yawˇ aˬ htoꞈ ma ve awˬ lawn htaꞈ dawˇ haˍ ve le? Yawˇ htaꞈ aˬ htoꞈ ma ga piˇ gʼa tuˬ le? Maˇ heˆ leh yawˇ aˬ htoꞈ ma htaꞈ dawˇ cawˇ ve le?’ Chi hkʼe te ve lehˬ, ngaˬ hui yawˇ htaꞈ ha kʼaˉ ve tehꞈ hpeuꞈ maw piˇ tuˬ ga laˇ ve yoˬ.
-
Ngaˬ hui yawˇ htaꞈ ha kʼaˉ ve tehꞈ hpeuꞈ maw piˇ tuˬ hkʼa dehꞈ na taˍ piˇ sheˍ. Yawˇ hkʼaˬ hkʼe dawˇ ve, maˇ heˆ leh yawˇ gʼa hpuˇ chehˇ ve awˬ lawn ngaˬ hui htaꞈ kʼoˆ maˍ laˇ ve kʼo, awˬ nu ve awˬ lawn taˇ kʼoˆ keu piˇ.
4. Nuˇ nehˬ ve leh yawˆ yan ve hkʼaw tawˇ yaw ve. Ngaˬ hui awˬ nu ve chaw htaꞈ dawˇ haˍ leh awˬ tehˬ ga piˇ gaˇ ve kʼo, chi hkʼe ve dawˇ hkʼaˇ lehˬ ngaˬ hui tawˇ yaw ve hkʼaw hpeuꞈ maw piˇ gʼa ve yoˬ. Tawˇ daꞈ daꞈ yaw leh nuˇ nehˬ ve hkʼaw yaw piˇ sheˍ. Leh yawˇ nyi ma zuhˆ tuˬ taˇ te piˇ.
5. Ga piˇ ve. Awˬ nu ve chaw htaꞈ ga piˇ tuˬ awˬ hkʼaˇ ca ve yoˬ. Chi hkʼe te ve lehˬ yawˇ ngaˬ hui geh tawˇ yaw daꞈ gaˇ tuˬ te piˇ gʼa ve yoˬ.
