ZƐPƐI LƆƆ-ZEI
KALABO 3
Tuola Nɛɛ
Tɛnɛgi: “Wõila ɣa ga . . . tuola nɛɛ.”—1 Kɔl. 13:4.
Zɛɓɛi Ziizɛ Kɛɛni
1. Wɛlɛ ƲILIOGI va, ɔɔ Jɔ̃ 9:1-7 lodo. Ya na ɣɛɛna e gaa-zaɣa-kɛɛ niitiɛ ɣaa wote:
-
Zɛɓɛi Ziizɛ kɛɛni ga maa wũ—e gaazu wele nui valoni ɓaa e Gala goo woni ma?—Wɛlɛ Jɔ̃ 9:35-38 va.
-
Velei Ziizɛ zunui nii zoni la, na ɔ kɛ ɣɛ le na yee zei Gala goi wu?
Zɛɓɛi Da Maa Woli Ziizɛ Na Po-Kɔ̃ɔ-Mai Zu?
2. Numaa ta wõi ga te wuito Gala goi ma, ani ta kwɛ̃ɛna ga de ɓɛdɛvɛ ɓɔɔ te ʋaa ma.
Vile Ziizɛ Wɔwɔ Wogi Zu
3. Manui maa wõi zo. Ɣi-gaa-ziɛ ga velei manui ɣi-gaa-ziɛzu la.
-
Ɣi-gaa-ziɛ gaa-zaɣa-kɛɛ niitiɛ ma: ‘Zɛɓɛi ɓɔɔ é ɣi-gaa-ziɛzu ma? Zɛɓɛi ɓɔɔ ga kɛ ɔɔ ga bo ga ge ɓɔ manui va?’ Ya niitiɛ ɣɛɛna towa ɓɔ e va ga e ɣɛ ga tuola nɛɛ nu.
-
Wuito ɓɔɔ ga pagɔ manui ma, na ɣa dɛ ga e ɓɛdɛvɛ faa ma. Ani manui ɣa yɛpɛna e vile fai ta va e levesu su ɔɔ e ɣi-gaa-ziɛzu ma, mɛlɛ zɛpɛi maa ʋile.
4. Yɛpɛ wũfe-ma vele zu. Velei ya yɛpɛ la towa dɛ ani ya manui ɣaazu maa wõi zosu, na ɣa ɣɛɛna e wõini e ɓɔ ba. Da ma ga velei ya yɛpɛ la. Ya na ɣɛɛ na ɛ̀ lɛ faa woga ga ya wãla manui ma.
5. Ɓɔ manui va. Pele taniga ɣaa-ziɛ ga e ɓɔ manui va. Tuola nɛɛ ɣa kɛ numaa te wõi ga te wuito de ma.
