KUPUTUKA KUSHIMUTWILA NAVATU
CHILONGESA 3
Hanjikenunga Mujila yaLikoji
Lundongi: “Zangi . . . yeji kutetelanga.”—Koli. 1, 13:4.
Vyuma Alingile Yesu
1. Talenu VINDIYO, chipwe tangenu Yowano 9:1-7. Kufumaho lihulisenu vihula vino vinakavangizaho:
-
Uno Yesu avangilile kuka uze lunga wakapuputa tahi nyi avangilile kumwambulila mujimbu wamwaza? —Talenu Yowano 9:35-38.
-
Uno vyuma muka vyalingishile uze lunga evwilile kumujimbu wamwaza amwambulilile Yesu?
Vyuma Muka Tunalinangula Kuli Yesu?
2. Mutu nahase kwivwilila kumujimbu natumwambulila kachi nge mwatachikiza ngwenyi twamuzakama.
Londezezenunga Yesu
3. Pwenu namuchima wakutetela. Shinganyekenu omwo ali nakwivwa.
-
Lihulisenu ngwenu: ‘Vyuma muka nalizakamina? Vyuma muka vinahase kumukafwa vize nawa navimwivwisa kuwaha?’ Kulihulisa vihula kana nachimikafwa mushimutwile nenyi mujila yamwaza kaha nawa yalikoji.
-
Sololenu ngwenu mwazakama mutu hakwivwilila vyuma ali nakuhanjika. Kachi nge namilweze omu ali nakwivwa havyuma vimwe chipwe ukalu ali nakuhitamo, kaha kamwatela kwalumuna chihandeko.
4. Hanjikenu mujila yalikoji kaha nawa yakalemesa. Jila namuhanjikilamo nayisolola nge mwatetela mutu muli nakuhanjika nenyi kaha nawa muli nakusaka kumukafwa. Hanjikenu mujila yalikoji nakuhanjika mazu amwaza, nakuhona kuhanjika vyuma vize navimwivwisa kupihya.
5. Kafwenu vatu namwambulilanga. Wanenungako jijila jakukafwilamo mutu munakwambulila. Kusolwela mutu likoji nachimulingisa etavile kushimutwila nayetu.
