TACHIKENU KUHANJEKA
KUDIZA 3
Mwekeshenu Muchima waLuwi
Chishina: “Kukeña . . . kwatiyilaña luwi.”—1 Kor. 13:4.
Chamwekesheliyi Yesu Ichi Chilwilu
1. Talenu VIDIYO, hela tañenu Yowanu 9:1-7. Kufumahu dihulenu awa malwihu:
-
Chumanyi chasambililiyi Yesu kwila, kumuuka ona mputa mesu tahindi wasambilili kumuleja nsañu yayiwahi?—Talenu Yowanu 9:35-38.
-
Muloñadi chitukuhoshela netu ona iyala wetejeli nsañu yayiwahi muloña Yesu wamushili muchima?
Chumanyi Chitunakudizila Kudi Yesu?
2. Muntu nateli kutiya nsañu yayiwahi neyi yamona nindi tunamushi muchima.
Mufwanenu Yesu
3. Mutiyilenu wushona. Fwikijenu chinakutoñojokayi owu muntu.
-
Dihulenu nenu: ‘Watela nakutoñojokadi? Chumanyi chinateli kumukwasha nawa chikumusañumuna?’ Kufwikija yuma muniyi njila kukuyiletesha mumwekeshi muchima waluwi munjila yayiwahi.
-
Mwekeshenu nenu mwalemesha yuma yalemeshayi owu muntu kuhitila mukutiyilila. Neyi nakuyileja chuma hela nashimuni kukala kukwetiyi, bayi muhimpa nsañuku.
4. Hoshenu chiwahi nakalemesha. Neyi muntu wamuchidiwu mumutiyila wushona chakwila mwikala ninamuchima wakukeña kumukwasha, nhoshelu yenu yikuchimwekesha. Dichi sakulenu chiwahi mazu imukuhosha nawa yihoshenu chiwahi, bayi muhosha mazu akumuneñeshaku.
5. Mukwashenu. Keñenu njila mumwatela kumukwashila owu muntu. Neyi mumwekesha yilwilu yamuchidiwu mukuletesha kuhanjeka kwenu kutwalekahu.
