TITI ṬANNA
ZIRLAI 3
Ngilneihna
Thu bul: “Hmangaihnain . . . ngil a nei bawk ṭhîn.”—1 Kor. 13:4.
Isua Tih Dân
1. VIDEO chu en la, a nih loh leh Johana 9:1-7 chhiar rawh. Chumi hnuah, a hnuaia zawhnate hi ngaihtuah ang che:
-
Isua’n eng nge a tihhmasak—mitdel mit a tihvârsak nge ni a, chanchin ṭha a hrilh?—Johana 9:35-38 en rawh.
-
Engvângin nge Isua tih dân chuan chu pa chu chanchin ṭha chhân lêt duhna a neihtîr mai theih?
Isua Hnên Aṭangin Eng Nge Kan Zir?
2. Mite’n anmahni kan ngaihsak tih an hriat hian kan thuchah ken chu an ngaihthlâk duh lehzual a rinawm.
Isua Entawn Rawh
3. Khawngaihna lantîr rawh. Mite rilru awm dân tûr chu hriatthiam tum ang che.
-
Heti hian inzâwt ang che: ‘Eng chungchângah nge lungkhamna a neih mai theih? Eng hi nge a tâna ṭanpuina leh thlamuanna ni thei ang?’ tiin. Chutianga inzawhna chuan tih tak zeta ngilneihna lantîr tûrin a ṭanpui ang che.
-
Mi chu a thusawite ngaihthlâksakin, i ngaihsakzia lantîr ang che. A lungkhamnate leh a harsatnate a hrilh che a nih chuan, thu dang daih sawipui lo la. A thusawite ngaihthlâksakin, i ngaihsakzia lantîr ang che.
4. Ngilnei tak leh zah takin be rawh. Mite chungah khawngaihna i neih a, ṭanpui i duh tak zet chuan, chu chu anmahni i biak dânah a hriat theih a ni. I thusawite leh i sawi dânahte fîmkhur la, an rilru tinuam lo thei thute chu sawi suh.
5. Ṭanpuitu ṭha tak ni rawh. Mite ṭanpui theih dân kawng leh hun remchângte zawng ang che. An chunga i lantîr ngilneihna chuan thu sawipui theihna kawng a hawng thei a ni.
EN BAWK RAWH
Rom 12:15, 16; Gal. 6:10; Heb. 13:16
