HEREVAHEREVA BA HAMATAMAIA
LESEN 3
Kara Namona Ba Hahedinaraia
Hahekau Herevana: “Lalokau na mai ena heabi-dae.”—1 Kor. 13:4.
Iesu be Dahaka E Kara?
1. VIDIO ba itaia, eiava Ioane 9:1-7 ba duahidia. Bena ini henanadai ba haerelaidia:
-
Iesu be dahaka e kara guna—kepulu tauna matana e hanamoa eiava sivarai namona e harorolai henia?—Ioane 9:35-38 ba itaia.
-
Dahaka dainai una tau na e ura Iesu ena hereva baine kamonai henia?
Iesu Ena amo Dahaka Ta Dibamu?
2. Ta na be uramu eda hereva baine kamonai bema be mamiamu ita ese ia na ta laloa badamu.
Iesu Ba Tohotohoa
3. Ba hebogahisi. O hereva heniamu tauna ena hemami ba laloa.
-
Sibomu ba henanadai: ‘Ia e lalohekwarahilaimu ḡaudia be dahaka? Ede baina durua toma bona ededia hereva baina gwaurai?’ Una ese be durumumu kara namona na mai kudoumu idoinai ida bo hahedinaraiamu.
-
Bema o hereva heniamu tauna na o laloa badamu, iena hereva na bo hakala namonamomu. Bema ena hemami baine gwauraia eiava ena hekwakwanai baine herevalaia, namona na topik na basio haidaua.
4. Mai hematauraimu ida hereva namodia ba gwaurai. O hereva heniamu tauna na emu hereva dalana amo be dibamu oi ese ia na o bogaia hisimu bona o ura dikadikamu ba durua. Emu hereva nahuadia na ba toho bona ia ihahisina herevadia na basio gwaurai.
5. Ba durua. O hereva heniamu tauna iduruna daladia ba tahu. Bema kara namodia baita hahedinaraimu, ta hereva heniamu tauna na be uramu ita baine hereva henida.
