МУТЛАНЫМАШЫМ ТӰҤАЛЗА
3 УРОК
Поро лийза
Принцип: «Йӧратымаш... поро» (1 Кор. 13:4).
Мом Иисус ыштен
1. ВИДЕОРОЛИКЫМ ончалза але Иоаннын 9:1—7 лудын лекса. Вара нине йодыш-влак нерген шонкалыза:
-
а) Иисус ончыч мом ыштен: сокыр еҥым паремден але тудлан поро уверым каласкалаш тӱҥалын? (Иоаннын 9:35—38 ончыза).
-
б) Кузе шонеда, молан тиддеч вара айдеме поро уверым колышташ ямде лийын?
Иисус деч мо́лан тунемына?
2. Ме айдеме дек поро лийына гын, очыни, мемнам колышташ тудын кумылжо лиеш.
Иисус деч примерым налза
3. Умылымашым да чаманымашым ончыктыза. Тендан дене мутланыше айдемын шижмашыжым умылаш тыршыза.
-
а) Шоналтыза: «Тудым, очыни, мо тургыжландара? Могай шонымаш тудлан оҥай лиеш да тудлан полша?» Тиде тыланда айдемылан уло шӱм дене порылыкым ончыкташ полша.
-
б) Айдемым тӱткын колыштса — тыге тудын мутшо тыланда садиктак огыл манын ончыктеда. Тудо шке шижмашыже але нелылыкше нерген каласкала гын, мутланыме темым ида вашталте.
4. Пагален да порын ойлыза. Айдеме шижеш, чынжымак мо те тудын верч тургыжланеда да полшаш шонеда. Садлан эскераш кӱлеш, мом те ойледа да могай кумыл дене. Сусыртышо мутым кучылтмо деч шекланыза.
5. Полшаш ямде лийза. Шоналтыза, айдемылан могай паша дене полшен кертыда. Поро пашалан кӧра айдеме дене мутланаш мемнан йӧн лектын кертеш.
