യേശു​വി​ന്റെ മാതൃക

യേശു​വിൽനിന്ന്‌ എന്തു പഠിക്കാം?

2. നമുക്ക്‌ ആളുക​ളെ​ക്കു​റിച്ച്‌ ശരിക്കും ചിന്തയു​ണ്ടെന്ന്‌ അവർക്കു തോന്നി​യാൽ അവർ നമ്മുടെ സന്ദേശം കേൾക്കാ​നുള്ള സാധ്യത കൂടു​ത​ലാണ്‌.

 യേശു​വി​നെ അനുക​രി​ക്കു​ക

3. സഹാനു​ഭൂ​തി കാണി​ക്കുക. ആ വ്യക്തി​യു​ടെ ചിന്തക​ളും വികാ​ര​ങ്ങ​ളും ഒന്നു മനസ്സിൽ കാണാൻ ശ്രമി​ക്കുക.

1.   എ. ചിന്തി​ച്ചു​നോ​ക്കുക: ‘ആ വ്യക്തിയെ ഉത്‌ക​ണ്‌ഠ​പ്പെ​ടു​ത്തുന്ന കാര്യങ്ങൾ എന്തൊ​ക്കെ​യാ​യി​രി​ക്കും? അദ്ദേഹ​ത്തിന്‌ ഇഷ്ടപ്പെ​ടുന്ന, അല്ലെങ്കിൽ പ്രയോ​ജനം ചെയ്യുന്ന കാര്യങ്ങൾ എന്തെല്ലാ​മാ​യി​രി​ക്കും?’ ഇങ്ങനെ ചിന്തി​ക്കു​ന്നത്‌ ആത്മാർഥ​മായ ദയ കാണി​ക്കാൻ നമ്മളെ സഹായി​ക്കും.

2.  ബി. ആ വ്യക്തി പറയുന്ന കാര്യങ്ങൾ ശ്രദ്ധിച്ച്‌ കേട്ടു​കൊണ്ട്‌ അദ്ദേഹ​ത്തെ​ക്കു​റിച്ച്‌ ചിന്തയു​ണ്ടെന്നു കാണി​ക്കുക. ഏതെങ്കി​ലും കാര്യ​ത്തെ​ക്കു​റിച്ച്‌ അദ്ദേഹം തന്റെ അഭി​പ്രാ​യങ്ങൾ പറയു​ക​യോ താൻ നേരി​ടുന്ന ഒരു പ്രശ്‌ന​ത്തെ​ക്കു​റിച്ച്‌ സംസാ​രി​ക്കു​ക​യോ ചെയ്യു​മ്പോൾ നമ്മൾ വിഷയം മാറ്റരുത്‌.

4. ദയയോ​ടെ​യും ആദര​വോ​ടെ​യും സംസാ​രി​ക്കുക. നിങ്ങൾക്ക്‌ ആളുക​ളോട്‌ അനുക​മ്പ​യു​ണ്ടെ​ങ്കിൽ, അവരെ സഹായി​ക്കാൻ ശരിക്കും ആഗ്രഹ​മു​ണ്ടെ​ങ്കിൽ, നിങ്ങളു​ടെ സംസാ​ര​ത്തിൽനിന്ന്‌ അവർക്ക്‌ അതു വ്യക്തമാ​കും. നിങ്ങൾ പറയുന്ന വാക്കു​ക​ളും പറയുന്ന രീതി​യും നന്നായി ശ്രദ്ധി​ക്കുക. അവരെ അസ്വസ്ഥ​മാ​ക്കുന്ന കാര്യങ്ങൾ പറയാ​തി​രി​ക്കുക.

5. സഹായി​ക്കാൻ മനസ്സു​ള്ള​വ​രാ​യി​രി​ക്കുക. ഉചിത​മായ അവസര​ങ്ങ​ളിൽ അവരെ പ്രാ​യോ​ഗി​ക​മാ​യി സഹായി​ക്കാൻ പറ്റുമോ എന്നു നോക്കുക. നമ്മുടെ ദയാ​പ്ര​വൃ​ത്തി​കൾ സംഭാ​ഷ​ണ​ത്തി​നുള്ള ഒരു അവസരം തുറന്നു​ത​ന്നേ​ക്കാം.