IVYAKUTALIKA UKULANZYANYA NA WANTU
ISAMBILILO 3
Mwawa ni Cikuku
Icisinka cisundo: “Ulukundo luli . . . ninkumbu.”—1 Kor. 13:4.
Vino Yesu Wacisile
1. Tambani e VIDYO, nanti wazyani Yohani 9:1-7. Apano mwasuke amawuzyo yano yakonkapo:
-
Acani cino Yesu watalicizilepo ukucita—uzye akupozya umonsi intonko nanti akumunena pi lyasi lizima?—Lolani Yohani 9:35-38.
-
Ukwelenganya ukuti acani cino calenzile weyo umonsi ukuteyelezya kwi lyasi lizima?
Avyani Vino Tukusambililako kwe Yesu?
2. Nga cakuti umuntu walola ukuti tumuwisileko amano, aliwateyelezya kwe vino tukulanda.
Mwakolanya Yesu
3. Mwakwelenganya pe vino weyo umuntu akuyivwa.
-
Mwayikolowozya ukuti: ‘Avyani vino vimusakamisile? Avyani vino vingamufika pa mwezo swinya vino vingamwavwa?’ Ukucita wo-o kulimyavwa ukumulanjizya icikuku.
-
Nga cakuti wumwi waminena vino akuyivwa nanti pa ntazi yino akupitamo, mutapilula ilyasi. Swinya nga cakuti mukuteyelezya pano akulanda, mulilanjizya ukuti muwisile amano kwe vino akulola ukuti avicindame.
4. Muwalanda mu cikuku swinya mu mucinzi. Vino izwi linu likwivwika avino vingalanjizya nga cakuti muli ni nkumbu swinya mukulondesya ukumwavwa. Mwacenjela mu milandile pa kuti mutalanda vino vingamupunuzya.
5. Mwayikundila ukwavwa wanji. Muwalola inzila zino mungawavwilamo. Nga cakuti tuli ni cikuku kwe wanji, waliwayikundila ukulanzyanya nasweswe.
