KIXÁʼA NATÚʼUN XÍʼIN NA̱ YIVÍ
LECCIÓN 3
Va̱ʼa koo iniún xíʼinna
Ña̱ káʼa̱n tu̱ʼun Ndióxi̱: “Iin na̱ kúʼvi̱-ini xíni inkana […] va̱ʼaní-inina” (1 Cor. 13:4).
Ña̱ ke̱ʼé ta̱ Jesús
1. Koto VIDEO á kaʼvi Juan 9:1-7. Tándi̱ʼi, ndakanixi̱ní xa̱ʼa̱ pregunta ña̱ va̱xi yóʼo:
-
¿Ndáaña siʼna ke̱ʼé ta̱ Jesús: ña̱ na̱túʼunra xíʼinra xa̱ʼa̱ Ndióxi̱ á ña̱ sa̱ndáʼavarara? (Koto Juan 9:35-38).
-
¿Nda̱chun va̱ʼa xi̱niso̱ʼora ña̱ ni̱ka̱ʼa̱n ta̱ Jesús xíʼinra?
¿Ndáaña sákuaʼayó xíʼin ña̱ ke̱ʼé ta̱ Jesús?
2. Tá xíto na̱ yiví ña̱ ndixa ndíʼi̱-iniyó xa̱ʼa̱na, sana kuni̱kana kuniso̱ʼona ña̱ káʼa̱nyó xíʼinna.
Keʼé táki̱ʼva ke̱ʼé ta̱ Jesús
3. Na̱ʼa̱ ña̱ kúnda̱a̱-iniún xíʼin ña̱ ndóʼona. Ndakanixi̱ní ndáa ki̱ʼva kúni na̱ yiví kán.
-
Ndakanixi̱ní xa̱ʼa̱ pregunta yóʼo: “¿Ndáa ña̱ʼa kúú ña̱ sándi̱ʼi̱-ini na̱ yiví kán? ¿Ndáaña kivi chindeétáʼan xíʼinna á ndáaña kutóona kuniso̱ʼona?”. Pregunta yóʼo chindeétáʼanña xíʼún ña̱ va̱ʼa koo iniún xíʼin na̱ yiví.
-
Tá na̱ yiví kán kíxáʼana nátúʼunna xíʼún xa̱ʼa̱ tu̱ndóʼo ña̱ ndóʼona á ña̱ sándi̱ʼi̱-inina, kuniso̱ʼo ña̱ káʼa̱nna xíʼún ta kǒo kixáʼún ka̱ʼún xa̱ʼa̱ inka ña̱ʼa.
4. To̱ʼó ka̱ʼún xíʼinna. Xíʼin ki̱ʼva ña̱ káʼa̱nyó náʼa̱yó á ndixa kúndaʼvi-iniyó xíniyó na̱ yiví ta kúni̱yó chindeétáʼanyó xíʼinna. Ña̱kán, viíní ndaka̱xiún ndáaña ka̱ʼún xíʼinna ta ndáa ki̱ʼva ka̱ʼúnña. Kǒo ka̱ʼún iin ña̱ʼa ña̱ kivi sása̱a na̱ yiví na̱ nátúʼún xíʼin.
5. Chindeétáʼan xíʼinna. Tá kivi, ndukú ndáa ki̱ʼva chindeétáʼún xíʼinna, saáchi tá va̱ʼa-iniún xíʼinna sana kandíxavana kuniso̱ʼona yóʼó.
