ǁGAMǀHAOSA TSOATSOAS
ǁKHĀǁKHĀǃÂS 3
ǃGâisib
Daoǁgaus: “ǀNammi ge a ǃgâi.”—1Kor. 13:4.
Jesub ge dī-i
1. VIDIOBA kō tamas ka io Johaneb 9:1-7 sa khomai. Tsî saora dîde ǂâiǃgâ:
-
Jesuba ǂgurose tae-e ge dī, ǂgī khoebab ge ǂgauǂgau tamas ka iob ge aibe ǃgâiǂhôasa ǁîb ǀkha ǀgoragu?—Mû re Johaneb 9:35-38.
-
Mati du ra ǂâi, tae-i ǃaromab ge nē khoeba māsenxase Jesuba ǃgâ?
Tae-e da Jesuba xu ra ǁkhāǁkhāsen?
2. Khoe-i ge ǃgâiǂhôasa nî ǃgâ, ǁî-i ǀkha da ǁae hâsa i ga hōǃâ o.
Jesuba ǁgae
3. Khoe-e tsâba. ǁÎ-i ra tsâ ǀgauba mûnan-ai.
-
Dîsen re: ‘Nē khoe-e tae-i xa ra ǂâiǂhansen? Tae-e ǁî-e ra mâǂoaba tsî a hui ǁkhā?’ Nēsa du ga dī, o du ge ǃgâisiba ra ǁgau.
-
Khoe-i ga ǁî-i tsâsib tamas ka io ǃkharuǃnâ i ra ǃgomsina mîba du o. Tā ǀnî hâ xū-i xa ǃhoa re. ǁÎ-e du ga ǃgâ, o du ge ra ǁgau ǁî-i ǀkha du ǁae hâsa.
4. ǃGôasib ǀkha ǃhoa. Khoe-e du ga tsâba tsî amabes ǃnâ hui ǂgao. O î ge khoe-e ǃhoa du ra ǀgaub ǃnâ nî hōǃâ. ǃGaoǃgâ tae-e du ra mîsa tsî mati du ra mîsa. Tsî khoe-e ǁaixa kai ǁkhā ǃhoa ǀgauba xu ǂgōsen.
5. Huiǀnamxa. ǀGauga ôa re khoe-e du hoaǃnâ-aixase a hui ǁkhāga. Khoena da ga ǃgâisiba ǁgau, o î ge ǁî-e supuse sida ǀkha a ǁgamǀhao ǁkhā.
