KEMA TIJPEUALTIS TIJNOJNOTSAS
TLAMACHTILI 3
Xijpia kuali moyolo
Biblia techtlajtolmaka: ‘Se tlen teiknelia [ . . . ] techiuilia tlen kuali’ (1 Cor. 13:4).
Tlen Jesús kichijki
1. Xikita nopa VIDEO o xijpoua Juan 9:1-7. Teipa xijnankili ni tlajtlanili:
-
a. ¿Tlake achtoui kichijki Jesús: kichikajki nopa tlakatl, o kikamanaljuik tlen nopa kuali tlamachtili? (Xikita Juan 9:35-38).
¿Tlake techmachtia tlen Jesús kichijki?
2. Uelis se akajya kinekis techtlakakilis tlaj kiita nelia techtekipachoua tlen kipano.
Xijchiua kej Jesús
3. Xijyolmati tlen kiyolmati. Xijchiua kampeka timoiljuis tlake kiyolmati nopa maseuali.
-
a. Ximotlatsintoki: “¿Tlake tlamantli uelis kitekipachoua? ¿Tlake uelis kiyoltilanas o kipaleuis?”. Ni tlajtlanili mitspaleuis tijmatis kenijkatsa uelis tijpaleuis ika nochi moyolo.
-
e. Kuali xijtlakakili nopa maseuali, kiampa tijnextilis kena mitstekipachoua tlen kipano. Tlaj mitsiljuia tlen kiyolmati o se kuesoli, xijkaua ma kamanalti uan amo xikijto seyok tlamantli.
4. Xikamanalti ika tlaiknelili uan ika tlatlepanitakayotl. Ika tlen tikijtouaj tijnextiaj tlaj techyolkokoua tlen sekinok kinpano uan tlaj tijnekij tikinpaleuisej. Yeka, kuali ximoiljui tlake tikijtos uan kenijkatsa tikamanaltis. Amo xikijto yon se tlajtoli tlen uelis kiyolkokos se maseuali.
5. Xikiljui tijneki tijpaleuis. Kema kinamikis, xijpaleui nopa maseuali. Kema tijchiuiliaj tlen kuali se akajya, kejuak tijyoltlapouaj, uan nopa kichiuas kuali ma techtlakakili.
