XIONPEUA XIKINNOJNOTSA OKSEKIN
TAMACHTILIS 3
Maj tikualtakamej
Tein Biblia kijtoua: “Akin tetasojta […] kualtakat” (1 Cor. 13:4).
Tein Jesús kichiuak
1. Xikonita VIDEO oso xikonlero Juan 9:1-7. Ompa xiontanemili itech nejin netajtanilmej:
-
1). ¿Toni achto kichiuak Jesús: kipajtij nejon takat oso kimatiltij kuali tanauatilmej? (Xikonita Juan 9:35-38).
¿Toni techmachtia tein kichiuak Jesús?
2. Akin tiknojnotsaj xa kinekis techkakis komo kiita ke ika timotekipachouaj.
Xikonchiua kemej Jesús
3. Xikonnemili keniuj momachilia akin tikonnojnotsa.
-
1). Xikonnemili nejin: “¿Toni xa kitekipachoua? ¿Toni xa kiuelitaskia kikakis oso kipaleuis?”. Nejin netajtanilmej mitsonpaleuiskej xikonnextili ke yekmelauj tionkualtakat.
-
2). Kuali xikonkaki akin tikonnojnotstok, ijkon tikonnextilis ke mitsontekipachoua tein kipanotok. Komo peua mitsontapouia keniuj momachilia oso ke kipia se kuejmol, amo ika xiontajto okse taman.
4. Xiontajto ika poujkaitalis. Kemej tiknojnotsaskej aksa kinextis ox tikikneliaj uan ox yekmelauj tiknekij tikpaleuiskej. Yejua ika, kuali xikonnemili toni tikonijtos uan keniuj tikonijtos. Amo xikonijto nion teyi tein uelis kiyolxokolis.
5. Xikonilui ke uelis tikonpaleuis. Komo tikonita ke uelis tikonpaleuis akin tikonnojnotsa ika teisa, xikonchiua. Komo tikualtakamej xa tapaleuis maj kineki tajtos touan.
