IJKUAK IKAJ PEUAS TIKTLAPOUIS
TLAMACHTIL 3
Xikteititi tiyolkuali
Principio bíblico: “Akin tetlasojtla [...] yolkuali” (1 Cor. 13:4).
¿Tlen okichi Jesús?
1. Xikita VIDEO noso xiktlajtolti Juan 9:1-7. Satepan ximotlajtlani:
-
1. ¿Jesús achto okipajti tlakatl noso achto okitlapoui? (Xikita Juan 9:35-38).
-
2. ¿Tleka tlakatl tlen amo otlachiaya okikak tlen okilui Jesús?
¿Tlen techmachtia tlen okichi Jesús?
2. Xamo okachi techkakiskej akinmej tikintlapouiaj tla kitaj techtekipachoua tlen kinpanoua.
Xikchiua ijkon ken Jesús okichi
3. Xiteajsikamati. Ximokuayejyeko tlen kimachilia akin tiktlapouis.
-
1. Ximotlajtlani: “¿Tlen kitekipachoua akin niktlapouis? ¿Tlen kineki kimatis noso tlen uelis kipaleuis?”. Tla ijkon timotlajtlanis tikmatis ken tikpaleuis akin tiktlapouis.
-
2. Amo xikilui okseki tlamantli tla mitsiluis tlen kimachilia noso tlen kitekipachoua. Kuali xikkaki tlen mitsiluis uan ijkon tikteititis mitstekipachoua tlen kipanotok.
4. Xiktlakaita akin tiktlapouia. Ijkuak ikaj tikiknomati uan tikneki tikpaleuis, tlen tikiluis motas kox melauak tikneki tikpaleuis. Ikinon kuali ximokuayejyeko tlen tikiluis. Amo xikilui itlaj tlen kiyolkokos.
5. Xikpaleui akin tiktlapouia. Xikpaleui tla moneki porque tla tikpaleuis xamo okachi kinekis mouan motlapouis.
