XPEUA XTENOTSA
TLAMACHTIJLI 3
Xtechiuili tlen kuajli
Tlen Biblia kijtoua: “Tlasojtlalistli [ . . . ] yolkuajli” (1 Cor. 13:4, TNM).
Tlen okichiuj Jesús
1. Xkita VIDEO noso xkamapoua Juan 9:1-7. Tla ijkon yotikchiuj, aman xkinnankili yejuin:
-
¿Tlenon kachtopa okichiuj Jesús: okipajti on tlakatl akin xtlachiaya, noso okinojnots itech toTajtsin? (Xkita Juan 9:35-38).
¿Tlenon tiuelij itech ken Jesús okichiuj?
2. Kanaj akin tiknojnotsaj más kinektos techkakis tla kita ika melauak tiknekij tikpaleuiskej.
Xchiua ken Jesús
3. Xteasikamati. Xyejyeko xnemili kenijki nomachilia akin tiknojnotsa.
-
Xmotlajtolti: “¿Kanaj tlenon kajmana? ¿Kanaj tlenon kuelitaskia kimatis noso tlenon ueliskia kipaleuis?”. Tla ijkon timotlajtoltia, mitspaleuis xkititi ika melauak tikneki tikpaleuis.
-
Kuajli xkaki tlen mitsijlia akin tiknojnotstika niman ijkon tikititis ika tiknektok tijkakis. Tla peua mitsijlia kenijki nomachilia noso tlenon kajmana, maka xpatili itech tlen mitsijlitika.
4. Kualtsin xtenotsa niman xtetlakaita. Ijkuak yakaj tikikneliaj niman yemelak tiknekij tikpaleuiskej, kakisti ipan totlajtol. Kuakon, kuajli xnemili tlen tikijtos niman kenijki tikijtos. Xkita maka titekualanis.
5. Xnekto titepaleuis. Ijkuak tikitas ika uelis tikpaleuis akin tiknojnotsa, xpaleui. Tla kitaj ika kuajli toyojlo niman titeikneliaj, más kinektoskej techkakiskej.
