ERITSUKISYA OMUKANIA
ESOMO 3
Ukanganaye olwanzo
Akanuni: “Olwanzo . . . luli n’obwenge.”—1 Kor. 13:4.
Ngoko Yesu akola ekyo
1. Ulebaye EVIDEO, kutse usome Yoane 9:1-7. Neryo ulengekanaye oko mabulyo awali ahikwa hano:
-
Ni kyahi ekyo Yesu atsuka erikola? Mwatsuka erilamya omulume oyo kutse mwatsuka erimukanirya oko ngulu mbuya?—Lebaya Yoane 9:35-38.
-
Ukalengekanaya ni kyahi ekyaleka omulume oyo inianza erihulikirira Yesu?
Ekyo Yesu akola kikatwighisayaki?
2. Omundu iniakendyanza erituhulikirira amalangira ko tumutsomene.
Ukole nga Yesu
3. Uyihire omo mwanya w’oyo ukakanaya naye. Ulengekanaye omundu ng’angabya iniakayowa ati.
-
Yibulaye: ‘Ni byahi ebyangabya ibikamuhanga-hangaya? Ni mwatsi wahi owangatsemera n’owangamuwatikya?’ Eriyibulya utya kyanganakuwatikya erimukangania olwanzo olukalua oko mutima.
-
Ukanganaye ko utsomene ebyo omundu akakukaniraya. Ekyo kikasaba erimuhulikirira. Omundu amabikukanirya ngoko akayowa oko mwatsi mulebe kutse amakubwira obuligho obo anemulabamo, isiwasonda erilusya obulengekania bwiwe oko mwatsi ogho amakukanirya oyo.
4. Ukanaye omo lukogho n’omw’isikya. Erilabira omulenge waghu, omundu iniakendiminya nga unamutsome kandi nga unanzire erimuwatikya. Usombole ndeke ebinywa byaghu kandi ubughe ndeke, n’eriyiteya oko binywa ebyangahitania omundu.
5. Ubye ukawatikya abandi. Ulebaye nga ni nzira syahi esyo wangawatikyamo omundu. Twamagheta-gheta abandi, ikyanganatuwatikya eritsukisya nabo omukania we Biblia.
