GUSENDESA GUTA MAGA NU ATHU
LONGO 3
Monesa Gisemo
Longo dia Biblia: “Guzumba guakhala nu . . . mutshima wabonga.”—1 Kol. 13:4.
Itshi Yesu Watshitshile?
1. Tala VIDEO, nga ndo tanga Yone 9:1-7. Gungima hana mvutu gu mihu eyi:
-
Yesu wasagele thomo gifofo, nga wadiangele gumulongesa lukuma luabonga?—Tala Yone 9:35-38.
-
Mukunda natshi ndaga yatshitshile Yesu yakuatesele muthu muene ha gutegelela lukuma luabonga?
Longo Ditshi Tuazula mu Gifezegeselo gia Yesu?
2. Muthu tudi muta n’enji maga wajiya gututegelela muabonga gula wajiya egi tudi gudisagesa mukunda nu muene.
Landula Gifezegeselo gia Yesu
3. Dihage ha fundo dia muthu mudi muta n’enji maga. Kamba gujiya luholo ludi gudivua muthu muene.
-
Dihule egi: ‘Ndaga itshi idi gumusagesa? Ndaga itshi yajiya gumukuatesa nga gumusuanguluisa?’ Gutshita ngenyi mbagugukuatesa ha gumumonesela gisemo mu luholo luabonga.
-
Ha gumonesa egi udi muzula ndaga jidi guguwambela muthu nu ndando, udi naye gumutegelela. Gula waguwambela luholo ludi gudivua muene, nga mulonga umoshi udi gumusagesa, usombegesago lumene ha guzuelela ndaga iko.
4. Zuela nu gisemo nu ginemua. Luholo luaye lua guzuela luajiya gumonesa diago gula udi muvila muthu khenda nu udi mutshigina gumukuatesa. Tomba mbimbi jiabonga, zuela nji mu dijui diabonga, uzuedigo mbimbi jiajiya gumusagesa.
5. Khala hehi ha gukuatesa athu ako. Wajiya gukamba ba okazio abonga a gukuatesa muthu muene. Gula tuamonesela muthu gisemo, muthu muene wajiya gusuanguluga guta maga nu esue.
