KUYAMBISA MACHEZA
MSOLO 3
Kukoma ntima
Mpfundo: ‘Chikondi ni . . . chokoma ntima.’—1 Akor. 13:4.
Vomwe Yesu adachita
1. Nyang’anirani VIDIYO, panango werengani Yohane 9:1-7. Patsogolo pake ganizirani mibvunzo aya:
-
Ko ni chani chomwe Yesu adayamba kuchita, ko kwenze kumulalikira ntontholo wabwino munthu ule panango kumupolesa?—Onani Yohane 9:35-38.
-
Ko munkuganiza kuti ni chani chomwe chidathandiza kuti munthu ule abvesere ntontholo wa Yesu?
Ko tinkupfunzira chani kwa Yesu?
2. Munthu angabvesere ntontholo wathu peno awona kuti timuyikhira nzeru.
Tewedzerani Yesu
3. Mumbamubvere ntsisi munthuyo. Yesesani kuganizira momwe iye ankubvera.
-
Dzibvunzeni kuti: ‘Ko ni chani chomwe chimupasa nkhawa? Ko ni chani chingakhale chothandiza na chosapasa chidwi kwa iye?’ Kudzibvunza mibvunzo mwaya kungathandize kuti mumuwonese kukoma ntima chaiko.
-
Mumbamubvesere kuti muwonese kuti mumuyikhiradi nzeru. Peno munthu ankukufotokozerani momwe awonera vinthu vinango panango mabvuto yomwe ankugumana nayo, lekani kumbachinja nkhani.
4. Mbayankhulani mokoma ntima na mwaulemu. Kumubvera ntsisi munthu na kumuthandiza vidzawonekere pa momwe muchayankhulira. Mbakhalani wosamala pa vomwe munkufuna kuyankhula na momwe mungaviyankhulire, ndipo mbapewani kuyankhula vinthu vomwe vingamukalipise.
5. Mbakhalani wothandiza. Mbanyang’anani tumipata tomwe mungamuthandizire munthu. Kuchita vinthu mokoma ntima kungakupaseni mwayi wakuti muyambe kucheza naye.
ONANI POMWE
Aro. 12:15, 16; Agal. 6:10; Aheb. 13:16
