KUMSA KOMBERSA
LISON 3
Mostra bondadi
Prinsipiu di Biblia: “Amor . . . i bon”. — 1 Kor 13:4.
Ke ku Jesus fasi
1. Jubi VIDEO, o lei Jon 9:1-7. Dipus pensa diritu nes purguntas:
-
Ke ku Jesus fasi purmeru? I kura omi segu o i kontal bon noba? — Jubi Jon 9:35-38.
-
Ke ku bu pensa i leba ki omi na misti sukuta Jesus?
Ke ku no aprindi di Jesus?
2. Si un algin sinti di kuma no preokupa ku el, i pudi sta mas dispostu pa sukuta no mensaẑen.
Kopia isemplu di Jesus
3. Pui bu kabesa na lugar di ki algin. Tenta imaẑina kuma ki i na sinti.
-
Punta bu kabesa: ‘Ke talves ku sta na preokupal? Ke ku ki algin pensa i pudi judal, i ke ku interesal?’ Fasi es na judau mostra bondadi di manera natural i di korson.
-
Bu ta mostra di kuma bu preokupa ku ke ki importanti pa un algin, ora ku bu sukutal. Si un algin kontau ke ki pensa aserka di un kusa o i kontau purblema ki sta na pasa, ka bu muda di asuntu.
4. Papia ku bondadi i ku rispitu. Ora ku bu sinti pena pa un algin i na bardadi bu misti judal, i na nota kila na bu manera di papia. Kuida ku ke ku bu na papia i kuma ku bu na papia, i ivita fala kusa ku na pul pa i fika mal.
5. Da ajuda. Bu pudi juda un algin di manera pratiku, ora ki pirsis. Ora ku no mostra bondadi pa un algin, pudi sedu ki na misti kombersa ku nos.
