PILAWANPIS PARLAR GALAYCUSHUN
YACHACUY 3
Pï maypäpis ali cashwan
Biblia cayno tantiachicun: “Cuyacoj carga […] pï-maypäpis allimi” (1 Cor. 13:4).
¿Imatataj Jesús rurargan?
1. Ricänapaj caycan juc VIDEO o Juan 9:1-7 textutapis leiriy. Nircur yachacuy cay tapucuycunapita:
-
Naupataga chay gapra runata, ¿Jesús jampirganchu o Diospa ali wilacuyninpitarächu parlapargan? (Ricarcuy Juan 9:35-38 textucunatapis).
-
¿Aliyarcurga imanirtaj chay runaga Jesusta wiyayta munargan?
¿Imatataj yachacunchi Jesús rurashganpita?
2. Pï wasiyojcunata imanolapapis yanapaptinchega, más fácil canga cushi cushila Diospa ali wilacuynincunata chasquinanpaj.
Jesús rurashganno rurashun
3. Chucru shongu cashunchu. Aliraj yarpachacushun ‘imaraj cay runata laquichiycan’ nir.
-
Tapucushun: “¿Imacunaraj pasaypa yarpachacaycächin? ¿Imaraj cushichinman payta?”. Chayno tapucuptinchirämi pï maypäpis ali runa caycäshun.
-
Maygan wasiyojpis laquishga caycashganpita parlapämaptinchega laquipashwanmi ‘ay taytalä, ay mamalä’ nir; manami wacpa caypa ricachacur wiyaj tucushwanchu.
4. Ali shimilapa y respetulawan parlarcushwan. Pitapis rasunpa cuyaparga imano parlapashganchichomi ricacämunga. Chaymi aliraj ricänanchi imapita y imano waquincunata parlapänapaj, pajta ofendircushwan sinoga.
5. ‘Yanaparcushayqui’ nishun. Imalachopis yanaparcunapäga cangapämi. Piwanpis ali shongu carga, paycunapa shonguntapis ñampuyarcachishunmi, cushi cushila parlarpis galaycushwanchi.
