CHAMAJIJ TZIJONEM
KʼUTUNEM 3
Utzilal
Pixabʼ re ri Biblia: «Ri kʼo loqʼoqʼebʼal ukʼuʼx […] chʼuchʼuj» (1 Cor. 13:4).
Ri xubʼan ri Jesús
1. Chawilaʼ ri VIDEO o chasikʼij uwach Juan 9:1-7. Tekʼuriʼ chawilaʼ ri preguntas riʼ:
-
¿Jas ri nabʼe xubʼan ri Jesús: xukunaj ri achi che moy o xutzijoj ri utzij ri Dios che? (Chawilaʼ Juan 9:35-38).
¿Jas kqetaʼmaj chrij ri Jesús?
2. Qastzij riʼ che ri winaq kraj kojutatabʼej we krilo che kel qakʼuʼx che.
Chabʼanaʼ awe ri xubʼan ri Jesús
3. Chakʼutuʼ che kel akʼuʼx che ri winaq. Chatchoman chrij ri tajin kunaʼ ri winaq.
-
Chachomaj: «¿Jas chrij kchoman wi? ¿Jas kraj kretaʼmaj riʼ o ri qas rajawaxik che?». Ri e preguntas riʼ katutoʼo rech qas rukʼ ronojel awanimaʼ kakʼut utzilal che ri winaq.
-
Qas chatatabʼej ri kubʼij ri winaq chawe rech krilo che qas kel akʼuʼx che. We kumaj utzijoxik chawe ri kunaʼo o ri kʼax che tajin kuriqo, kakʼex ta ri tzijonem rukʼ.
4. Rukʼ utzilal chattzijon rukʼ ri winaq y nim chawilaʼ wi. Are chiʼ qas kel qakʼuʼx che ri winaq y kqaj kqatoʼo, kqʼalajin rukʼ ri tzij kqakojo. Rumal laʼ qas chachomaj na ri kabʼij y ri kabʼan che ubʼixik. Kabʼij ta tzij che xa kubʼan kʼax che ri winaq.
5. Chayaʼ tobʼanik. We kawilo che ri winaq kʼo kajwataj che, chatoʼo. Ubʼanik utzilal chke ri winaq kubʼano che kojkunik kojtzijon kukʼ.
