PARRLASH CALLARI
LECCIÓN 3
Alli shunguda chari
Bibliabu consejo: “Juyaida charijga […] alli shunguda charijmi gan” (1 Cor. 13:4).
Jesusga caidami rrurrarca
1. VIDEODA rricui o Juan 9:1-7-da liyi. Jipaga cai tapuigunada contestai:
-
¿Jesusga puntabiga imadadi rrurrarca: na rricuj jaridallu sanoyachirca o Diosmundallu parrlarca? (Juan 9:35-38-da rricui).
¿Jesusbu ejemplomundaga imadadi yachanchi?
2. Paigunamunda preocuparijta rricushaga uyanadami munanga.
Jesusbu ejemploda cati
3. Cutishujguna imashina sintirishcada intindi. Cutishujguna imashina sintirishcabi yuyai.
-
Cashna tapuri: “¿Imagunamundashi preocuparin? ¿Imagunamundadi uyanada munanga? ¿Imashi ayudanga?”. Cai tapuigunami juyaida charishcada, rricuchillun y shungumunda parrlallun ayudanga.
-
Huasiyuj imashina sintirishcada o ima problemamunda parrlajpiga, ama can munashcamunda parrlaillu. Sino atencionda churash, paimunda preocuparishcada rricuchish alli uyai.
4. Juyaiun y respetoun parrlai. Ñucunchi nishcagunaunmi sufrijujgunamunda llaquirishcada y ayudanada munashcada rricuchinchi, chaimunda ima ninada alli yuyash parrlashaga, huasiyujta na llaquichishunllu.
5. Ayudai. Imashina ayudai pudishcada rricui. Shina ayudajpimi huasiyujga juyaida charishcada rricush parrlanada munanga.
ASHTAUN
Rom. 12:15, 16; Gál. 6:10; Heb. 13:16-da rricui.