PROMIÉ DISKUSION
LOSON 3
Koz é aji èk jantiyès
Prinsip la Bib : « Lamour lé […] bon » (1 Kor 13:4).
Sak Jézu la fé
1. Rogard la VIDÉO oubien lir Jan 9:1-7. Aprésa réfléchi su bann kèstion i vien apré.
-
Kosa Jézu la fé an promié : li la koz lo gayar nouvèl èk lo bonom oubien la géri ali ? (rogard Jan 9:35-38).
-
Akoz nou pé di lé in bon zafèr Jézu la komans par géri lo moun avan ?
Rotien sa
2. In moun nora plis lanvi ékout aou si li san ké ou fé vréman in kont èk li.
Fé parèy Jézu...
3. Mèt aou la plas lo moun.
-
Domand aou sak i trakas lo moun, kosa i kont vréman pou li é sak li la bézoin. Komsa, li va oir ké ou vé vréman fé in kont èk li, ké la pa rienk in fasad.
-
Si lo moun i done son fason pansé oubien i koz dési son problèm, chanj pa sujé. Kan ou va ékout ali bien mèm, ou va mont ou pran an kont sak lé inportan pou li.
4. Koz èk rèspé é jantiyès. Par lo son out voi lo moun va oir ké ou lé janti é ké ou néna lanvi èd ali. Choizi bien out bann mo é fé atansion ké out voi lé pa tro sèk. Kan ou fé komsa ou va évit blès lo moun.
5. Propoz pou édé. Èské lo moun la bézoin in kou d’min ou in sèrvis ? Pétèt in ti jès janti i pé amèn in bon diskusion.
