VAREKAHA CHUDES E DUMA
LEKCIJA 3
Presikav o jilo
O tekstos, savo amen ľidžal: „O kamiben hino… jileskero.“ (1. Kor. 13:4)
O Ježiš oda kerelas avka
1) Dikh tuke o VIDEJO abo pregen Jan 9:1–7. Paľis tuke rozkide kala otazki:
-
a) So o Ježiš kerďa le kore manušeske sigeder, sar leske chudňa te zvestinel? (Dikh Jan 9:35–38)
So sikhľuvas le Ježišostar?
2) O manuš amen sigeder šunela avri, te dikhela, hoj les rado dikhas a kamas leske te pomožinel.
Ker avka sar o Ježiš
3) Rozmišľin, so predživel.
-
a) Rozmišľin: Sostar peske kerel šero? So lačho bi uľahas leske te phenel? Te tuke thoveha ajse otazki, džaneha leske buter te presikavel o jilo.
-
b) Te tuke o manuš vakerel, so peske mišľinel abo so predživel, šukares les šun a paľis vaker pal oda, so tuke phenďa. Avka leske sikaveha, hoj les rado dikhes a hoj tuke nane jekh, sar leske hin.
4) Vaker kovle jileha the la paťivaha. Te sal jileskero a čačes kames le manušeske te pomožinel, ov oda ciťinela olestar, sar leha vakeres. Kide tuke avri lačhe lava. Vaker leha šukare hlasoha. De pozoris, kaj te na phenes vareso, soha les dukhaveha.
5) Kam te pomožinel. Rode, soha leske šaj pomožines andro dživipen. Te predal leste peršo vareso lačho kereha, paľis tuha šaj kamela tiš te vakerel.
MEK TUKE DIKH
Rim. 12:15, 16; Gal. 6:10; Hebr. 13:16
