TE POČMINA RAZGOVORIJA
LEKCIJA 3
Ov ljubezno hem sikav šukaripe
Načelo: „O mangipe tano... ljubezno“ (1. Kor. 13:4)
So kergja o Isus?
1. Dikh o VIDEOKLIPI ili čitin Jovan 9:1-7. Palo adava razmislin bašo akala pučiba:
-
a) Dali o Isus prvo sasljargja e korole manuše ili prvo vakergja leske o šukar haberi? (Dikh Jovan 9:35-38.)
-
b) So mislinea, soske o manuš sine spremno te šunel e Isuse?
So sikljovaja taro Isus?
2. Verojatno o manuša ka oven pospremna te šunen amen ako dikhena kaj iskreno interesinaja amen lenge.
Dža palo e Isuseskoro primer
3. Sikav sočuvstvo e manušeske. Probin te zamisline tuke sar osetinela pe.
-
a) Puč tut: So šaj sekirinela le? So šaj te pomožinel le hem te interesinel le? Adava ka pomožinel tuke ko prirodno hem iskreno način te ove ljubezno hem šukar.
-
b) Sikav kaj tuke važno adava so vakerela, agjaar so ka šune le šukar. Ako vakerela tuke sar osetinela pe ili taro savo pharipe nakhela, ma menin i tema.
4. Ker lafi ko ljubezno način hem sikav poštovanje. Taro adava sar kerea lafi ka dikhjol dali čače sikavea sočuvstvo hem mangea te pomožine. Birin šukar tle lafija hem pazin sar vakerea len. Ma vaker nešto so šaj te vredžinel le.
5. Ov spremno te pomožine. Rode soodvetna prilike te pomožine ko praktično način, adava šaj te anel dži ko šukar razgovor.
DIKH HEM:
Rim. 12:15, 16; Gal. 6:10; Evr. 13:16.
