HASAAWA HANAFA
ROSO 3
Shaqqille
Xintu seera: “Baxillu . . . shaqqadoho.”—1 Qor. 13:4, NW.
Yesuusi Assinore
1. VIIDIYO laˈe; woy Yohaannisi 9:1-7 nabbabbe. Hakkiinni, aante noo xaˈmuwa hiince:
-
Yesuusi balaxe ma assino? Illiweelo mancho hursinonso dancha duduwo kulinosi?—Yohaannisi 9:35-38 lai.
-
Kuni manchi Yesuusi kulinosi sokka maahoyye yee adhinohu mayira ikkara dandaanno?
Yesuusi Assinorinni Maa Ronseemmo?
2. Hasaawinsoommo manchi shaqqille leellinshummosiro kulleemmosi sokka roore macciishshara dandaanno.
Yesuusi Faale Hadhe
3. Mancho marartinannita leellishshe. Mayi macciishshamasira dandaannoro hedate woˈnaalle.
-
Togo yitine hedde: ‘Mayi daafira yaadanni nooha ikkara dandaanno? Kaaˈlammosiranna jawaachishammosira dandeemmohu ma assummorooti?’ Konni garinni heda, godowinta shaqqille leellishshinannisi gede kaaˈlitannoˈne.
-
Coyiˈranno woyite macciishshe. Hatto assaˈne, hedosi ayirrissinannita leellishshanno. Mitte hajo daafira noosi lao kuliˈnero, woy iillanni noosi qarra kuliro, coyiˈrinore agurtine wolere hasaawate higginoonte.
4. Shaqqillunninna ayirrinyunni coyidhe. Mitto mancho mararreemmohanna addinta kaaˈla hasiˈneemmoha ikkiro, coyiˈneemmo gari tenne leellishannoha ikkanno. Coyidhinanni coyenna coyidhinanni gara seekkitine hedde; koffi assara dandaanno coye coyidhinoonte.
5. Mitore assitine kaaˈle. Mitore assitine kaaˈla dandiitinanni doogga hasidhe. Danchumma assa hasaawaho doogo fantara dandiitanno.
