KUCALISA INCOCISWANO
SIFUNDVO 3
Bani Nemusa
Simiso: “Lutsandvo . . . lunemusa.”—1 Khor. 13:4.
Lokwentiwa NguJesu
1. Bukela le-VIDEO, nobe ufundze Johane 9:1-7, bese uphendvula lemibuto lelandzelako:
-
Yini Jesu layenta kucala, kwelapha lendvodza lengaboni emehlweni yini nobe kuyicocela tindzaba letimnandzi?—Buka Johane 9:35-38.
Yini Lesiyifundzako KuJesu?
2. Manyenti ematfuba ekutsi umuntfu awulalele umlayeto wetfu nangabe abona kutsi sinendzaba naye.
Lingisa Jesu
3. Velana nalomuntfu. Yetama kucondza indlela lativa ngayo.
-
Tibute: ‘Yini lokungenteka iyamkhatsata? Yini lengamsita nalengamkhanga?’ Kwenta njalo kutakusita kutsi umkhombise umusa ngalokusuka enhlitiyweni loyo muntfu.
-
Khombisa kutsi unendzaba naloko lokubalulekile kulomuntfu ngekutsi umlalele.Nangabe lomuntfu akutjela indlela lativa ngayo ngalokutsite nobe akutjela ngenkinga lanayo, yetama kukhuluma ngaloko lokumkhatsatako.
4. Khuluma ngemusa nangenhlonipho. Nangabe umvela umuntfu futsi ufuna kumsita, kutawuvakala endleleni lokhuluma ngayo. Kunake loko lokushoko nendlela lokusho ngayo, futsi ugweme kusho tintfo letingamlimata lomuntfu lococa naye.
5. Bani lusito. Funa ematfuba lakahle ekusita lomuntfu ngekutsi umentele lokutsite. Nangabe sinemusa kulotsite, manyenti ematfuba ekutsi acoce natsi.
