KUTENDEKEZIA BULONDOLOZI
LISOMO LYA 3
Buwaame
Lifunde: “Muntu ali ni ntono . . . aweeme.”—1 Bakor. 13:4.
Yesu Waakitile ki?
1. Mona VIIDEO, ao soma Yoane 9:1-7. Kisia, asuka biipuzio bili paapa pensina:
-
Ni kintu ki kya kuanza kyaakitile Yesu, eba, waamukosiizie olia mwalalume mpofu ao waamusimikilenke mpunda iweeme?—Mona Yoane 9:35-38.
-
Juu ya ki weewe watontonkania nangue paange ozo mwalalume waaleengeelue kutuilizia mpunda iweeme yakue Yesu?
Mufuano Wakue Yesu Watusambilizia ki?
2. Muntu kunti watwalilila kutuilizia mpunda yeetu, kine wamona nangue tumupoozeleko maano.
Koonka Mufuano Wakue Yesu
3. Munvuile nkumbu ozo muntu. Ezia kutontonkania ozo muntu vieyunvuile.
-
Iipuzie eevi: ‘Paange ni kiki kili mukumwemia? Paange ni kiki kili kumukwasia ni kumusaansamusia?’ Kukita evio, kuli kukukwasia umulangilile buwaame nga vikili kyasaangua, kabili mu kisinka.
-
Mutuilizie. Kine weewe wakita evio, uli kulangilila nangue upoozeleko maano ku bintu byakue byamwene nangue ni bya mana. Kine muntu wakubuila vieyunvuile palua kintu fulani ao wakubuila maavia ali amwemia, te kulandapo binge bipuseene ni beelia byakubuila.
4. Landa mu buwaame kabili wali ni mukinzi. Kine wamunvuilako muntu nkumbu ni kutona kakiine kumukwasia, ali kutona kutuilizia keelia kiuli kulanda. Saakula milandu ya kunti ulande, ni kuilanda mu lizui lyafuukile. Kabili, tiina kulanda bintu beelia bili kumulengia afiitue.
5. Uye wakwasia. Kebako bintu biweeme bya kunti ukite eevi umukwasie ozo muntu. Kine twamukitila muntu bintu biweeme, ali kutona kulondolola ni fwefue.
