INAÜGÜ I DEA
NGÚERUÜ̃ 3
Togümaã namecüma
Ucuꞌẽ: “Rü yíxema tüxü̃́ nangẽxmaxẽ i ngechaü̃ . . . rü tamecüma.” — 1 Cor. 13:4.
Taꞌacü Ngetchutchu naüü̃
1. Nüü̃ nadau i VÍDEO, rüeꞌna nawa naugütae Juã́ũ 9:1-7. Yicama, nanangãü̃ i nhaa cagü:
-
Taꞌacü Ngetchutchu nüíra naü: nanameẽẽ ga yatü ga ngeetücü rüeꞌna Tupanaarü Oretchiga namaã nidea? — Nüü̃ nadau Juã́ũ 9:35-38.
-
Cucaꞌ, tüꞌcüü̃ ngẽma Ngetchutchucüma nüü̃ nanatautchaẽẽ na yema yatü nüü̃ naĩnütchaü̃ü̃caꞌ i ore i meü̃?
Taꞌacü nawa icuaꞌgüü̃ i Ngetchutchuarü cuaꞌruü̃?
2. Tchi duü̃ü̃caꞌ cugutchaãẽgu rü nüma rü tá bemana yeera cuü̃ naĩnütchaü̃.
Ngetchutchurüü̃ naü
3. Nüü̃́ ngetchaü̃tümüü̃. Cugü naporaẽẽ na nüü̃ cucuaꞌü̃caꞌ i taꞌacügu narüĩnü i duü̃ü̃.
-
Cugüna cuca: ‘Taꞌacücaꞌ nagutchaãẽ i duü̃ü̃? Taꞌacü nüü̃́ name?’ Ngẽmagu rüĩnü rü cuü̃ narüngü̃ẽẽ tá na aiꞌrügumaraü̃ãcü togümaã cumecümaü̃.
-
Nüü̃ cuĩnü i duü̃ü̃ rü nanaweꞌ na nacaꞌ cugutchaãẽ. Tchi duü̃ü̃ norü ĩnütchiga rüeꞌna norü gutchaü̃tchiga nideagu, rü ngẽmatchiga guama nideaama.
4. Ngetchaü̃ãcüma rü mecümaãcüma nidea. Ngẽguma cuü̃́ nangetchaü̃tümüü̃gu rü aicuma nüü̃ rüngü̃ẽẽtchaü̃ i duü̃ü̃, rü nüü̃ cunaweꞌ i ngẽma na nhuãcü quideaü̃. Nacaꞌ ínauãẽ i taꞌacü rü nhuãcü quidea tá rü nhuꞌmatchi taü̃ nagu quidaucüraü̃ i curü oremaã.
5. Togüü̃ rüngü̃ẽẽtchaü̃. Nayoniẽ ngẽguma natautchaü̃gu na duü̃ü̃güü̃ curüngü̃ẽẽü̃caꞌ. Ngẽma rü nüü̃ nanatautchaẽẽ na duü̃ü̃gü nüü̃ naĩnüẽtchaü̃ü̃caꞌ.
