Atorò tie Soa Fagnahy Rehe

MANDEFA

Toro lalagne: “O hatea zao, ... soa fagnahy.”—1 Kor. 13:4.

Akore ty Nampisehoa i Jesosy Izay?

VIDEO: Nampahatreave i Jesosy i Lahilahy Goay

1. Henteo i VIDEO oy ndra vakio ty Jaona 9:1-7, le valeo ty fagnonteneagne retoagne:

Ty aia amy iretoa ty nanoe i Jesosy voaloha’e: Ty nampahatrea i lahilahy goay vao sa ty nirehake i talily soay tama’e?—Henteo ty Jaona 9:35-38.
Naho ty heve’o, nagnino i raha natao i Jesosỳ ro nahavy i lahilahỳ ho vognogne hitsanogne i talily soay?

Ino ty Ianarantikagne Boake amy i Jesosy?

2. Vognogne hitsanogne ty hafatse indesentikagne ty ndaty raike naho fa tsapa’e tie mipay ze hahasoa aze tikagne.

Tsikombeo ty Jesosy

3. Fantaro ty raha iaigna i ndatỳ. Kezaho fantaregne ty raha tsapa’e.

Dineho zao: ‘Ino ty raha va’e hampinekoneko aze? Ino ty raha va’e hagnampe aze naho mahaliagne aze?’ Hagnampe azo hahay hampiseho hasoa fagnahy ama’e ty fanoagne izay, sady tsy tihoe amboamboaregne avao fa tena ie.
Tsanogno soa i ndatỳ mba hanoroa’o tie midare ze raha lahibey ama’e vata’e rehe. Naho mirehake ama’o ty raha tsapa’e miomba ty raha raike ndra mirehake ty olagne atrehe’e reke, le ko mirehake hevetse hafa tsy mifandrambe amy izay.

4. Mirehafa aman-kasoa fagnahy naho am-pagnajagne. Hotrea i ndatỳ amy ty raha rehafe’o tie, mitretré sady tena te hagnampe aze rehe. Jobogno soa ty raha horehafe’o sady ambeno ty fomba hirehafa’o aze, le ko mirehake raha va’e hahaboseke aze.

5. Mivognona hagnampe. Mipaliava hirike hahafaha’o hagnampe i ndatỳ amy ze raha tena ilae’e faie ko seregne hagneke ty fagnampea’o reke. Ho vognogne hifampirehake amantikagne reke naho fa mampiseho hasoa fagnahy ama’e tikagne.

HENTEO KA TY

Rom. 12:15, 16; Gal. 6:10; Heb. 13:16

ATORÒ FA TEA’O O NDATIO—LE AMPIANARO IAREO