KUSAANGUNA KWAAMBUUZYANIA AABANTU
CHIIYO 3
Baaluzyalo
Malayilile: “Luyando luli . . . aaluzyalo.”—1 Kor. 13:4.
Nzyaakachita Jesu
1. Yebela KAVIDIYO naakuti ubale Johane 9:1-7, mpawo ulange-lange mibuzyo iitobela:
-
Jesu wakasaanguna kuponia mwaalumi wakatali kubona na naakuti wakasaanguna kumukambawukila makani mabotu?—Langa Johane 9:35-38.
-
Ubonaanga niinzi chakapa kuti mwaalumi ooyu aswiilile makani mabotu?
Twiiyaanzi Kuzwa Kuli Jesu?
2. Muntu ulakonzya kuswiilila mulumbe wesu kuti wabona kuti tulamuyanda.
Tobelezya Jesu
3. Mweetelele. Yezya kulibikka muchiimo chamuntu ooyo.
-
Libuzye kuti: ‘Kweelede kuti muntu ooyu ulikukataazikana atalaanzi? Niinzi chikonzya kumugwasya?’ Kuchita oobo, kulakonzya kukugwasya kuti umufwide luzyalo.
-
Tondeezya kuti ulamuyanda ngulikwaambuulaawe kwiinda mukumuswiilila. Kuti wakubuzya mbalimvwa atala achimwi chintu naakuti wakubuzya penzi lyakwe, utachinchi kaambo.
4. Lemeka muntu munzila njuwambuulaayo alubo umufwide luzyalo. Kuti wafwida muntu luzyalo alubo kulaachoonzyo chakuti uyanda kumugwasya, zilaboneka munzila njuwambuulaayo. Belesya majwi aalikabotu chiindi nulikwaambuula aamuntu alubo utaambi zintu zikonzya kumuchisa.
5. Mugwasye. Bona mpayanda kugwasigwa mpawo umugwasye. Kugwasya muntu kupa kuti muntu abe aachiyandisyo chakuti mwaambuuzyanie.
