KU SUNGULA BULO
DYONDZO 3
Vulavula Ni Ku Endla Swilo Hi Ndlela Ya Musa
Nsinya wa nawu: “Rirhandzu ri . . . ni musa” —1 Kor. 13:4.
Leswi Yesu A Swi Endleke
1. Hlalelani VHIDIYO, kumbe mi hlaya Yohane 9:1-7. Kutani mi hlamula swivutiso leswi landzelaka:
-
I yini leswi Yesu a rhangeke a swi endla, xana u rhange hi ku horisa wanuna loyi a feke matihlo kumbe u rhange hi ku vulavula na yena hi mahungu lamanene?—Vona Yohane 9:35-38.
-
U ehleketa leswaku i yini lexi endleke leswaku wanuna yoloye a tiyimisela ku yingisa Yesu loko a n’wi byela mahungu lamanene?
Hi Dyondza Yini Eka Yesu?
2. Munhu a nga yingisa rungula ra hina loko a vona leswaku ha khathala hi yena.
Tekelela Yesu
3. Tiveke eka xiyimo lexi munhu yoloye a nga eka xona.
-
Tivutise: ‘A nga va a velerisiwa hi yini? I yini leswi nga n’wi pfunaka swi tlhela swi n’wi tsakisa? Ku endla tano swi ta ku pfuna leswaku u kombisa musa hi ndlela ya ntumbuluko ni ya xiviri.
-
Loko u n’wi yingisela, u kombisa leswaku wa khathala hileswi nga swa nkoka eka yena. Loko munhu a ku byela ndlela leyi a titwaka hayona hi swilo swo karhi kumbe a vula xiphiqo lexi a langutanaka na xona, u nga cinci bulo.
4. Vulavula hi ndlela ya musa ni ya xichavo. Loko u twela munhu vusiwana naswona swi vonaka leswaku u lava ku n’wi pfuna, u ta swi twa hi ndlela leyi u vulavulaka ha yona. Tivonele mayelana ni leswi u swi vulaka ni ndlela leyi u swi vulaka hayona naswona papalata ku vula swilo leswi nga ta n’wi hlundzukisa.
5. Vana mpfuno. Lava tindlela letinene leswaku u pfuna munhu yoloye. Loko hi va ni musa eka munhu, swi ta endla leswaku a lava ku vulavula na hina.
