KUTANDIKA KUBAZA N’OMUNTU
ISOMO 3
Yoleka Embabazi
Omusingi: “Okugonza . . . kuba nembabazi.”—1 Kol. 13:4.
Omulingo Yesu Yakikozeremu
1. Rora VIDIYO, rundi soma Yohana 9:1-7. Hanyuma ogarukemu ebikaguzo binu:
-
Yesu akabanza kukora ki, kukiza omufu w’amaiso rundi kumugambira amakuru amarungi?—Rora Yohana 9:35-38.
-
Habwaki omulingo Yesu yatwaizeemu omusaija onu gusobora kuba gwamuletiire kuhuliiriza amakuru amarungi?
Kiki Ekiturukwegera Hali Yesu?
2. Abantu nibaija kugonza kuhuliiriza obutumwa bwaitu obubarakirora ngu nitubooleka embabazi.
Yegera Hali Yesu
3. Weteeke omu bigere by’ow’orukutebeza. Lengaho kutekerezaaho omulingo arukwehurramu.
-
Wekaguze: ‘Kiki ekisobora kuba kimweralikiriize? Kiki ekiramuhuumuza?’ Obworakora eki, nikiija kukukonyera kwoleka embabazi kuruga ha mutima.
-
Yoleka ngu noteekaho omutima ebyetaago by’omuntu kuraba omu kumuhuliiriza. Kakuba akugambira omulingo arukwehurra ha bintu ebimu rundi ekizibu ekyarukurabamu, otalengaho kumwehugya.
4. Baza omu mulingo ogw’embabazi kandi ogw’ekitiinisa. Obwoba oiniire abandi embabazi nikiija kweyoleka omu mbaza yaawe. Wegendereze ebigambo eby’orukukozesa n’omulingo orukubibazaamu kandi wetantale kubaza ebintu ebisobora kumubiihiza.
5. Mukonyere. Serra omulingo osobora kumukonyera. Ebikorwa eby’embabazi nibisobora kuleetera omuntu kugonza kukuhuliiriza.
