ЧУГААНЫ ЭГЕЛЕҢЕР
КИЧЭЭЛ 3
Буянныг чорук
Библейжи дүрүм: «Ынакшыл... буянныг-даа» (1 Кор. 13:4).
Иисус чүнү кылып турган?
1. ВИДЕОНУ көрүңер азы Иоанн 9:1—7 номчуптуңар. Дараазында айтырыгларның дугайында боданыңар:
-
а) Эгезинде Иисус чүнү кылган: согур кижини экиртипкен бе азы суртаалдап эгелээн бе? (Көрүңер: Иоанн 9:35—38.)
-
б) Ол кижиниң буянныг медээни дыңнаар күзели чүге тыптып келген?
Иисустан чүнү өөренип алыр бис?
2. Буянныг хамаарылганы көргүзер болзувусса, ол кижи бисти күзелдии-биле дыңнаар.
Иисусту өттүнүңер
3. Кижини бодап, ону кээргеңер. Ол кижиниң чүнү миннип турарын билип алыр дээш кызыңар.
-
а) «Ол кижини чүү дүвүредип турар? Кандыг бодал ол кижини сонуургадып, деткиптерил?» деп боданыңар. Ынчаар аңаа эки хамаарылганы көргүзериңерге, ол силерниң буянныг сеткилиңерни эскерип каар.
-
б) Ол кижи силерниң-биле бодунуң бергелерин, сагыш-сеткилин үлежип турар болза, өске темаже шилчивеңер. Кичээнгейлиг дыңнааш, аңаа тоомча чок эвезиңерни көргүзер силер.
4. Хүндүткелдиг, чылыг-чымчак чугааланыңар. Кижини шынап-ла кээргеп, аңаа дузалажыксап турарыңар үнүңер аянындан илдең. Ынчангаш чүнү чугаалап турарыңарны хайгаарап, ону хомудадыптар сөстер чугаалаваңар.
5. Дузалажырынга белен болуңар. Кижиниң бир-ле чүүлүн кылып берип шыдаар-дыр силер бе, боданып көрүңер. Буянныг херек эки чугааны эгелеп алырынга дузалаар.
